Тоҷикистон тадбирҳои назоратро дар марз бо Афғонистон пурзӯр кард. Дар ин бора ба “Азия-Плюс” муовини вазири тандурустӣ ва ҳифзи иҷтимоии аҳолии ҷумҳурӣ Мирҳамуддин Камолзода хабар дод.
“Дар Афғонистон аллакай далелҳои сироятёбӣ аз коронавирус ба қайд гирифта шуда, ин маълумотро дирӯз, 24-уми феврал ба мо тасдиқ карданд, - изҳор дошт Камолзода. - Аз ин рӯ, тасмим гирфтем, ки назоратро дар убури сарҳад бо Афғонистон пурзӯр кунем”.
Ба гуфтаи ӯ, ин ҷо дар бораи пурра баста шудани сарҳади байни Тоҷикистону Афғонистон сухан намеравад.
“Кормандони мо айни замон дар сарҳад буда, вазъ он ҷо зери назорат аст. Барои пешгирии вуруди коронавирус ба кишвар тариқи гузаргоҳҳои сарҳадӣ ва фурудгоҳҳои байнулмилалӣ бо мақомоти марбутаи ҳукумати Афғонистон ҳамкорӣ дорем”, - гуфт ӯ.
Вай афзуд, аз 1148 нафар шаҳрвандоне, ки аз 1-уми феврал дар Тоҷикистон ба карантин гирифта шужанд, то имрӯз 882 нафар ба хонаҳояшон ҷавоб гардиданд.
Аз шумори умумӣ 266 нафар, аз ҷумла, шахсоне, ки рӯзи 11-уми феврал бо ҳавопаймо аз шаҳри Ухани Чин оварда шуданд, дар муассисаҳои тиббӣ боқӣ монданд. Шояд онҳо низ пагоҳ аз беморхона рухсатӣ шаванд.
Муовини вазири тандурустии Тоҷикистон итминон медиҳад, ки дар кишвар ягон ҳодисаи сирояти коронавирус ба қайд гирифта нашудааст.
“Он шаҳрвандоне, ки дар карантин буданд, ягон аломати бемории мазкурро надоштанд. Онҳо пурра аз ташхис гузашта, ба хонаҳояшон ҷавоб дода шуданд”, - қайд кард муовини вазир.
Камолзода зикр кард, ки байни афроди дар карантин қарордошта шахсоне ҳам буданд, ки ҳарораташон баланд мешуд.
“Бархе аз шаҳрвандони дар карантин қарордошта ҳарорати баланд доштанд. Ҳамаи ташхиси онҳоро мо ҷиҳати санҷиши сирояти коронавирус ба Маскав мефиристем”, - афзуд Камолзода.
Ёдрас мекунем, ки аз 24-уми феврал Тоҷикистон иртиботи ҳавоиро бо Эрон қатъ кард. Дар Эрон бар асари сирояти коронавирус аллакай 8 нафар ҷон бохтанд.
Қаблан хабар дода шуд, ки Ӯзбекистон бо сабаби ошкор шудани коронавирус дар Афғонистон, шояд сарҳадашро бо ин кишвар бандад.
Қобили зикр аст, ки кишварҳои минтақаи Осиёи Марказӣ то ҳол дар харитаи коронавирус, ки ҳамарӯза аз ҷониби Созмони ҷаҳонии тандурустӣ маълумоташ навсозӣ мешавад, зикр нагардидаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста