Вазорати тандурустӣ ва ҳифзи иҷтимоии аҳолии ҶТ имрӯз, 22-юми апрел бо нашри як хабар даргузашти 4 гирифтори илтиҳоби шуш дар беморхонаи Душанберо тасдиқ кард.
“Вақтҳои охир гирифторшавии шаҳрвандон ба бемории пневмония дар Тоҷикистон авҷ гирифта, боиси фавти чанд нафар шудааст. Бо мақсади чораҳои пешгирӣ аз сирояти коронавирус вазорат тасмим гирифтааст, ки беморони илтиҳоби шуш ва дигар бемориҳои роҳҳои нафаскаширо дар як марказ бистарӣ карда, ба табобат фаро гирад. Айни замон ҳамаи ин беморон дар Маркази тиббии №1-и шаҳри Душанбе “Якум Советский” бистарӣ мебошанд”, - омадааст дар ин хабар.
Бино ба иттилои сарвари Маркази тиббии №1-и шаҳри Душанбе Хуршед Рустамзода, аз бегоҳии дирӯз то имрӯз, 22-юми апрел воқеан 4 нафари аз 60 то 73-сола аз бемории илтиҳоби шуш фавтиданд. Ду шахси фавтида сокинони шаҳри Душанбе, як нафар аз ноҳияи Варзоб ва як нафар аз ноҳияи Рӯдакӣ мебошанд. Ин шахсон дар баробари илтиҳоби шуш, ҳамзамон бемории ишемикии дил, фишорбаландӣ, норасоии шадиди гурда, диабети қанди намуди 2 низ доштанд. Айни ҳол 3 бемори дигар дар ҳолати вазнин мебошанд. Ҳоло дар ин марказ 114 нафар муолиҷа мегиранд.
Қаблан зимни як ҷаласаи ситоди вазорат Шодихон Ҷамшед, муовини вазири тандурустӣ ва ҳифзи иҷтимоии аҳолии ҶТ гуфта буд, ки вазъи номусоиди ҳаво дар чанд рӯзи охир на танҳо дар баробари таъсири манфӣ расонидан ба соҳаҳои гуногуни хоҷагии халқ, ҳамзамон ба саломатии шаҳрвандони мамлакат низ таъсири манфӣ расонид. Аз ин рӯ, якбора гирифторшавӣ ба бемориҳои шадиди роҳҳои нафас, аз ҷумла, илтиҳоби шуш зиёд ба мушоҳида расид.
Тибқи иттилои Муассисаи давлатии “Маркази ҷумҳуриявии омор ва иттилооти тиббӣ”-и Вазорати тандурустӣ ва ҳифзи иҷтимоии аҳолии ҶТ, соли 2019 шумораи гирифторӣ ба баъзе бемориҳои сироятӣ дар Тоҷикистон чунин буд: зуком (грипп) – 9982 нафар, илтиҳоби шуш (пневмония) – 12802 нафар, ОРВИ – 350702 нафар, диққи нафас – 1293 нафар ва домана – 8 нафар.
“Яъне омори мазкур гувоҳи он аст, ки гирифторшавии шаҳрвандони мамлакат ба бемориҳои сироятӣ, аз ҷумла, илтиҳоби шуш ҳолати муқаррарӣ ва мавсимӣ мебошад. Бинобар ин, аз гирифторшавии шаҳрвандон ба бемории мазкур набояд ҳангома сохт”, - навиштааст вазорат.
Бино ба маълумоти Агентии омори назди Президенти ҶТ, аз бемориҳои узвҳои нафаскашӣ, аз ҷумла, пневмония дар миқёси ҷумҳурӣ давоми солҳои 2015 – 1798 нафар, 2016 – 1811 нафар, 2017 – 1335 нафар, 2018 – 1067 нафар ва дар соли 2019 – 1031 нафар фавтиданд.
“Чанд ҳодисаи фавте, ки вақтҳои охир дар кишвар бо ташхиси бемории илтиҳоби шуш ба қайд гирифта шуд, қабл аз фавт ба онҳо ташхиси коронавирус низ гузаронида шуда, натиҷаашон манфӣ баромада буд”, - таъкид кардааст Вазорати тандурустӣ ва ҳифзи иҷтимоии аҳолии ҶТ.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
Кулли ахбор
Авторизуйтесь, пожалуйста