Алоқа танҳо баъди ба эътидол омадани вазъи марбут ба COVID-19 ва эълони расмии он аз ҷониби мақомоти ваколатдорӣ давлатӣ барқарор мешавад.
Агентии авиатсияи граждании Тоҷикистон ва сафорати Русия дар Тоҷикистон изҳор мекунанд, ки алоқаи мунтазами ҳавоӣ байни кишварҳо ҳоло барқарор нашуда, то ба эътидол омадани вазъ баста боқӣ мемонад.
“Ин хабарҳо асос надоранд. Алоқаи мантазами ҳавоӣ байни Тоҷикистону Русия танҳо баъди ба эътидол омадани вазъи марбут ба COVID-19 ва эълони расмии он аз ҷониби мақомоти ваколатдорӣ давлатӣ барқарор мешавад”, - қайд мешавад дар изҳороти Агентии авиатсияи граждании ҷумҳурӣ.
Дар ин робита Агентӣ аз шаҳрвандон хоҳиш мекунад, ки ба маълумоти носаҳеҳ бовар накарда, то эълони расмии барқарор шудани парвоз дар хатсайрҳо билет нахаранд.
Сафорати Русия дар Тоҷикистон низ қатъи алоқаи ҳавоиро аз 27 март аз/ба Русия хотиррасон намуда, ба шаҳрвандони ин кишвар тавсия медиҳад, ки ба хатсайрҳои мунтазам аз Тоҷикистон ба Русия билет нагиранд.
“Сафорати Русия дар Тоҷикистон боисрор тавсия медиҳад, ки то замони барқарор шудани алоқаи мунтазами ҳавоӣ байни кишварҳо аз ширкатҳои ҳавопаймоӣ ба хатсайрҳо аз Тоҷикистон ба Русия, ки ба номгӯи хатсайрҳои зикршудаи “баровардан” дохил нашудаанд, билет нахаред”, - иттилоъ медиҳад дафтари матбуоти сафорат.
Ёдрас мекунем, ки дар сомонаҳои ширкатҳои ҳавопаймоии «Уральские авиалинии» ва «ЮтЭйр»-и Русия дар бораи фурӯши билетҳои хатсайри Маскав - Душанбе ва бозгашт шурӯъ аз 30 июн маълумот нашр шуд.
Хабари нашршуда дар ин бора вокуниши зиёд ба бор овард. Чанде аз корбарон изҳори норозигӣ карданд, ки ин хабар бардурӯғ буда, бархе зикр карданд, ки аллакай барои рӯзи 8 июл билет харидаанд.
“Имрӯз ба ман як шиносам аз Питер занг зад, ӯ барои рӯзи 8 июли соли 2020 билет гирифтааст”, - навиштааст Раъно Самадова.
Ба ақидаи бархе аз дигар корбарон, дар ифтитоҳи хатсайрҳои ҳавоӣ то муътадил шудани вазъи вобаста ба пандемияи коронавирус дар ҳар ду кишвар шитоб набояд кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста