Ахири ҳафтаи гузашта палатаи поёнии парлумони Афғонистон (Вулуси Ҷирга) номзадҳо ба курсии вазири корҳои дохилӣ, вазири мудофиа ва сардори Раёсати амнияти миллии кишварро тасдиқ намуд, ки аз ҷониби президенти Афғонистон Ҳомид Карзай пешниҳод гардида буданд.

Бино ба маълумоти портали интернетии «Афганистан.ру», бо қарори парлумон Бисмиллоҳ Муҳаммадӣ вазири мудофиа, Ғулом Муҷтабо Патанг вазири корҳои дохилӣ ва Асадулло Халид сардори Раёсати амнияти миллӣ таъин шуданд.

Дар ҳамин ҳол, аъзои парлумон номзадии вазири масоили марзҳо ва қабилаҳо Ҳоҷӣ Азизулло Дин Муҳаммадро рад карданд.