Созмони байнулмилалии меҳнат (СБМ) аз кишварҳои узви созмон даъват ба амал овард, ки ҳадди ақали музди меҳнатро муқаррар созанд, то ки аз манфиатҳои қишри камбизоат ва кормандони осебпазир ҳимоят карда шавад.
Дар гузориши тозаи СБМ гуфта мешавад, ҳаҷми афзоиши музди меҳнат дар муқоиса ба афзоиши маҳсулнокии меҳнат ба таври назаррас камтар аст. Муаллифони гузориш бар ин назаранд, ки инро буҳрони ҷаҳонии иқтисодӣ сабаб мебошад. Ҳамин тариқ, агар соли 2007 ҳаҷми афзоиши музди меҳнат дар миқёси глобалӣ 3%-ро ташкил дода бошад, пас соли 2011 он ҳамагӣ ба 1,2% баробар шудааст.
«Мо рақами мушаххасеро номбар карда наметавонем, вале музди меҳнати ҳадди ақал бояд даромади шоистаро таъмин карда тавонад, то ки бо он зиндагии мӯътадил имконпазир буда, ҳамзамон ба таъсиси ҷойҳои нави корӣ монеъа эҷод нашавад ва дастрасӣ ба бозори меҳнат маҳдуд нагардад», - иброз доштааст роҳбари созмон Гай Райдер.
Ёдрас мекунем, ки аз 1-уми сентябри соли равон ҳаҷми музди меҳнати ҳадди ақал Тоҷикистон 2,5 маротиба афзуда, айни замон 200 сомонӣ (тақрибан 42 $)-ро ташкил медиҳад. Пеш аз ин ҳаҷми он ба 50 сомонӣ (10,5$) баробар буд.
Созмони байнулмилалии меҳнат як муассисаи махсуси СММ буда, ба масоили танзими муносибатҳои меҳнатӣ машғул аст. Аз 9 сентябри соли 1993 Тоҷикистон узви ин созмон буда, айни замон 185 кишвари дунё аъзои СБМ мебошанд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста