Рӯзи шанбеи ҳафтаи гузашта додгоҳи ҷиноии Қоҳира собиқ президенти Миср Муҳаммад Мурсӣ ва даҳҳо тан аз пешвоёни гурӯҳи «Ихвон-ул-муслимин»-ро ба қатл маҳкум кард.
Ба навиштаи EuroNews , мурофиа оид ба ду парванда - хиёнат ба давлат ва ҷосусӣ ба манфиати кишвари хориҷӣ ва ҳамчунин фирори оммавӣ аз зиндон замони инқилоби январи соли 2011 муддати 16 моҳ идома ёфта, дар маҷмӯъ парвандаҳо нисбати 163 нафар гумонбаршудагон баррасӣ шуданд, ки 50 тан аз онҳо дар курсии ҷавобгарӣ нишаста, боқимонда дар фирор қарор доранд.
Гуфта мешавад, ҳукми аз ҷониби Суди олии Миср содиршуда пешакӣ буда, акнун муфтии олии кишвар онро тасдиқ ё инкор мекунад. Содир шудани ҳукми ниҳоӣ рӯзи 2 иююн дар назар аст.
Зикр мегардад, ки пас аз чанд соати эълони ҳукм дар минтақаи шимоли нимаҷазираи Синай ду тан аз судяҳо ва прокурор парронида шуда, алҳол масъулияти ин ҳамларо касе ба дӯш нагирифтааст, вале коршиносон дар ин робита қайд мекунанд, ки аксаран пушти ин ҳамлаҳо исломгароён - ҷонибдорони «Ихвон-ул-муслимин» меистанд.
Ба иттилои Интерфакс , Иттиҳоди Аврупо қарори суди Миср дар бораи қатли собиқ президент Мурсиро маҳкум кардааст. «Ҳукми қатли Мурсӣ ва чанде аз пешвоёни гурӯҳи «Ихвон-ул-муслимин» ба уҳдадориҳои Миср оид ба ҳуқуқи байнулмилалӣ созгор нест», - изҳор доштааст роҳбари дипломатияи Иттиҳоди Аврупо Федерика Могерини.
Радиои «Озодӣ» менависад, ҳамчунин Вазорати умури хориҷии ИМА аз ҳукми додгоҳи ҷурму ҷиноёти Қоҳира, ки раисиҷумҳури пешин Муҳаммад Мурсиро ба эъдом маҳкум кардааст, низ изҳори нигаронӣ кардааст.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Кулли ахбор
Авторизуйтесь, пожалуйста