Дароз кардани муҳлати президентӣ, поин бурдани синни номзадӣ ва таъсиси мақоми ду ноиби раисҷумҳур яке аз тағйироти аслӣ дар Қонуни асосии Озарбойҷонанд.
Бино ба иттилои сомонаи нашрияи «Фараж», бар пояи қонунгузорӣ, раъйпурсии ин кишвар баргузоршуда эълон гардид, зеро дар он беш аз 25%-и раъйдиҳандагон иштирок кардаанд. Рӯзи 26 сентябри соли равон дар Озарбойҷон барои ворид кардани тағйиру иловаҳо ба Қонуни асосии ин кишвар раъйпурсӣ гузаронида шуд.
Шаҳрвандон дар 5 ҳазору 627 нуқтаи овоздиҳӣ раъй дода, раванди овоздиҳиро 53 ҳазору 531 нозир мушоҳида карданд. Шумори шаҳрвандоне, ки ҳаққи додани раъйро доранд, ба беш аз 5 миллион нафар мерасад.
Қонуни асосии Озарбойҷон алакай ду бор, солҳои 2002 ва 2009 иваз шудааст. Ин бор раъйдиҳандагон маҷбур набуданд, ки ба ҳамаи пешниҳодҳо “ҳа” ё “не” бигӯянд, балки метавонистанд, пешниҳодҳои алоҳидаро қабул ё рад кунанд.
Ба назари нозирон, ҳадафи аслии бештари иловаҳо мустаҳкам кардани қудрати оилаи ҳукумрон ва худи президент Алиев аст. Аз ҳама тағйироти муҳим ин дароз кардани муҳлати президентӣ аз 5 то ба 7 сол аст.
Президенти кунунӣ Илҳом Алиеви 54-сола, ки соли 2003 қудратро аз падари бемораш ба "мерос" гирифтааст, се бор дар интихоботҳои 2003, 2008 ва 2013 баранда эълон шудааст ва давраи раёсати он қарор аст, соли 2018 ба поён расад. Синну соли миёнаи номзад ба мақоми президентӣ, ки феълан 35-сола аст, лағв ва синни номзадҳо ба порлумон аз 35 то 18 коҳиш дода шуд.
Коршиносон ба ин назаранд,ки тағйироти мазкур маҳз барои писари президенти Озарбойҷон Ҳайдар Алиеви 18-сола сурат гирифт.
Дар ҳамин ҳол, Комиссияи марказии интихобот ва раъйпурсии Озарбойҷон раъйпурсиро баргузоршуда эълон кардааст.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста