Алӣ Майсам Назарӣ, масъули равобити хориҷии Ҷабҳаи муқовимати Панҷшер дар баробари "Толибон" дар мавриди дар куҷо қарор доштани Аҳмад Масъуд изҳорот додааст, ки ӯ аслан дар дохили хоки Афғонистон аст, вале барои ҳамоҳангии корҳояш ба хориҷ ҳам сафар мекунад.
Назарӣ дар мусоҳиба бо телевизиони Ошнои "Садои Амрико" гуфтааст, ки Аҳмад Масъуд ба унвони раҳбари сиёсӣ ва низомӣ ҳаққи сафари хориҷиро дорад, вале феълан дар дохили Афғонистон аст.
Ин изҳороти Назарӣ дар пайи он аст, ки дар оғози ин ҳафта бархе расонаҳо бо такя ба Восиқ Кабир, муовини собиқи раиси вилояти Панҷшер хабар доданд, ки Аҳмад Масъуд дар Тоҷикистон аст.
Восиқ Кабир ба хабаргузории “ТАСС”-и Русия гуфта буд, ки Аҳмад Масъуд дар Тоҷикистон қарор дорад. Аммо манбаъҳои наздик ба Масъуд, аз ҷумла Алӣ Майсам Назарӣ дар Тоҷикистон қарор доштани Масъудро рад мекунанд.
Назарӣ дар ин мусоҳибааш дар мавриди изҳори назари Восиқ Кабир гуфтааст, ки “мо намедонем, чаро чунин гузориш ба нашр расидааст. Шахсоне, ки чунин гузориш доданд, на сухангӯ ҳастанд ва бо аъзо ва раҳбарияти Ҷабҳаи муқовимат ҳеч иртибот надоранд. Иттилооташон дақиқ нест. Аҳмад Масъуд дар дохили Афғонистон аст, вале ин табиист, ки як раҳбари сиёсӣ ва низомӣ метавонад, барои диду боздидҳо рафтуомад дошта бошад”.
Ҳамчунин масъули равобити хориҷии Ҷабҳаи муқовимат ба сару садоҳо дар бораи роҳбари аслии Ҷабҳаи муқовимат ва равобити ин Ҷабҳа бо Амруллоҳ Солеҳ, муовини пешини Ашраф Ғанӣ, посух додааст.
“Ҷабҳаи муқовимати миллии Афғонистон танҳо як раҳбар дорад ва ӯ ҳам Аҳмад Масъуд аст. Ҷаноби Солеҳ сарпарасти раёсати ҷумҳури исломии Афғонистон мебошад. Байни ҳарду ҳамоҳангӣ ҳаст, аммо Ҷабҳаи муқовимат танҳо як роҳбар дорад. Аз шахсони дигаре, ки эълони ҳимоят аз муқовимат кардаанд, истиқбол мекунем. Аз нухбаҳои сиёсӣ, ки дар хориҷ аз кишвар ҳастанд. Ин ҳаққашон аст, ки муқовиматро қабул ё рад кунанд. Аммо ягона Ҷабҳае, ки дар дохили Афғонистон алайҳи “Толибон”, ДОИШ ва “Ал-Қоида” муқовимат дорад, дар дохили Афғонистон ҳузури физикӣ дорад, Ҷабҳаи муқовимати миллии Афғонистон ба раҳбарии Аҳмад Масъуд аст”.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста