Дар давлати Чин боз як навъи вируси хатарнок ошкор шудааст. Айни ҳол бар асари он ҳар рӯз беш аз 7 ҳазор нафар бистарии беморхона мешавад ва он ба зуд сироят меёбад.

Бо назардошти ин, хатари паҳншавии ин вирус дар саросари ҷаҳон низ баланд арзёбӣ мешавад.

Дар ин бора телеграм-канали Mash хабар медиҳад.

Ба навиштаи ин манбаъ, ки ба маҷаллаи ProMED истинод кардааст, нишонаҳои ин вирус табларзаи баланд, ташаккули гиреҳҳо дар шушҳо, аммо бидуни сулфа мебошад.

“Дар аввал, аломатҳои вируси нав танҳо дар кӯдакон пайдо шуданд, аммо дар тӯли панҷ рӯзи охир онҳо дар калонсолон низ ошкор гардиданд”, - менависад манбаъ.

Ба ин далел, ба ҳама муассисаҳои тиббии Чин дастур дода шудааст, ки вақти кори худро зиёд кунанд. Гуфта мешавад, ки беморхонаҳо дар Пекин ва Ляонин аллакай пур шудаанд ва мактабҳои маҳаллӣ дарсҳоро ба муддати номуайян лағв кардаанд.

Ба гуфтаи Франсуа Баллу, профессори Пажӯҳишгоҳи генетикаи Донишгоҳи Калифорния, ин беморӣ метавонад дар пайи зуком ё бемориҳои роҳи нафас пайдо шудла бошад. микроорганизмҳои гуногуни роҳи нафас, масалан зуком пайдо сабаб шавад. Ё бактерияи Mycoplasma pneumoniae, ки дар шуш ҷамъ шуда, илтиҳоб ё трахеобронхит ва пневмонияро ба вуҷуд меорад.

Хукуматдорони Чин кӯшиш доранд, ки вазъиятро зери назорат дошта бошанд, то ки миёни мардум воҳима ба миён наояд. Си Ҷинпин амр додааст, ки пайдоиши вирусро ҳарчи зудтар таҳқиқ кунанд, то миқёси эпидемия коҳиш ёбад.

Дар Telegram, Facebook, Instagram, OK ва ВК бо мо бимонед.