Размикори тоҷик қувваозмоии сеюми худро дар мусобиқаи UFC бо ҳарифаш, ки ҳоло начандон таҷрибаи зиёд дорад, баргузор мекунад.
Лоиқ Раҷабов (UFC 1-1) рақобати минбаъдаро дар вазни сабук бо размикор Абдул-Карим Ал-Селвади аз Урдун, ки дар UFC ки бори аввал ҳунарнамоӣ мекунад (дебютант), барпо мекунад. Рақобат рӯзи 2 март дар UFC Saudi Arabia баргузор мешавад.
Раҷабов моҳи июни соли 2023 дар мусобиқаи UFC on ABC 5 дар Ҷексонвилл (ИМА) бо размикори Лаҳистон (Полша) Матеуш Ребетски рақобат карда, он бо пирӯзии варзишгари лаҳистонӣ дар раунди дуюм ба поён расид.
То ин дам Раҷабов дар моҳи марти соли 2023 дар мусобиқаи UFC 285 бо қарори якдилонаи доварон бар Эстебан Рибовичи аргентинӣ дастболо шуд.
Айни замон Лоиқ Раҷабов 17 ғалаба, 5 - бохт ва 1 - мусовӣ ва рақиби нави ӯ дар UFC 285 Абдул-Карим Ал-Селвадии урдунӣ - 15 ғалаба ва 3 - бохт доранд.
Раҷабов дар ММА бори аввал моҳи октябри соли 2012 рақобат карда буд. Он вақт Раҷабов бо нокаути техникӣ Юсуф Маҳмудовро мағлуб карда буд. Пас аз ин Лоиқ пайиҳам 10 маротиба ғалаба ба даст оварда, ба PFL роҳ ёфт.
Дар Лигаи амрикоӣ Раҷабов бори аввал дар давраи ҳунарнамоии касбиаш бо қарори якдилдонаи доварон аз Рашид Магомедов шикаст хӯрд.
Дар ҳамин ҳол, дар ду рақобати минбаъда дар PFL Раҷабов бо қарори доварон ғолиб дониста шуд. Моҳи октябри соли 2019 қувваозмоии Лоиқ бо Ислом Магомедов мусовӣ анҷом ёфт. Сипас дар промоушени амрикоӣ Раҷабов пайиҳам да маротиба ба шикаст дучор шуд.
Дар PFL размикори тоҷик боз 3 қувваозмоӣ гузаронид: 2 - ғалаба ва 1 - бохт. Баъди ин моҳи январи соли 2022 Лоиқ ба муқобили Зак Зейн дар Eagle FC қувваозмоӣ карда, бо усули буғӣ кардан дастболо шуд.
Моҳи феврали соли 2023 Лоиқ бо UFC қарордод ба имзо расонид. Рақобати нахустинро Раҷабов моҳи март бо Эстебан Рибович баргузор кард.
Руcский