Чанде қабл вохӯрии раиси Кумитаи давлатии сармоягузорӣ ва идораи амволи давлатии Тоҷикистон Давлаталӣ Саидов бо сафири навтаъиншудаи Ҷумҳурии Финландия дар Тоҷикистон ҷаноби Никлас Линдквист баргузор шуд.
Бино ба маълумоти хадамоти матбуоти Кумитаи мазкур, зимни мулоқот Д.Саидов нахуст ба меҳмон оид ба самтхои фаъолияти Кумита, дастовардҳои ноилгашта дар самти ислоҳоти фазои сармоягузорӣ ва соҳибкории Тоҷикистон, нақшаҳои минбаъдаи ҳукумати мамлакат дар ин самт, имкониятҳои сармоягузорӣ дар соҳаҳои афзалиятноки иқтисодӣ ҷумҳурӣ аз он ҷумла, гидроэнергетика, кишоварзӣ, туризм ва истифодаи қаръи замин, кафолату имтиёзҳо барои сармоягузорон пешниҳодшаванда, тартиби ҳамкорӣ бо ширкатҳои сармоягузорӣ хориҷӣ маълумоти муфассал пешниҳод намуд.
Никлас Линдквист зикр кард, ки мақсади ташрифи он ба Тоҷикистон, ин густариш ва таҳкими ҳамкориҳои тиҷоратӣ ва иқтисодӣ миёни Тоҷикистон ва Финландия мебошад. Дар ин ҷода, сафир омодагии ҳамаҷонибаи худро ҷиҳати ба роҳ мондани фаъолият баҳри густариш додани ҳамкориҳои мутақобилан судманд миёни соҳибкорони ду кишвар ва ҷалби сармояи Финландия ба Тоҷикистон изхор намуд.
Тарафҳо ба ақида омаданд, ки ҷиҳати огоҳонидани доираҳои сармоягузорӣ Финландия оид ба иқтидору имкониятҳои сармоягузории Тоҷикистон зарурияти ба роҳ мондани татбиқи ҳаргуна чорабиниҳои ташвиқотӣ ба миён омада, дар ин маврид сафири Финландия ваъда намуд, ки тамоми имкониятҳои худро истифода хоҳад кард.
Раиси Кумита ба ҷаноби Никлас Линдквист бастаи маводҳои таблиғотиро, ки дар худ маълумоти муфассал оид ба қонунгузории ҷории танзимкунандаи фаъолияти сармоягузорӣ ва соҳибкорӣ, тавсифномаи кутоҳи лоиҳаҳои сармоягузорӣ, имконият ва иқтидорҳои сармоягузорӣ ва дигар маълумоти зарурӣ дорост, дастрас намуд.
Дар фарҷом ҷонибҳо омодагии ҳамаҷонибаи худро баҳри вусъат бахшидани истифодабарии имкониятҳои зиёде ҳамкориро изҳор намудаанд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста