Дар дохили ҳавопаймои ширкати ҳавопаймоии «Тоҷик Эйр», дар фазои қаламрави Ӯзбекистон (Самарқанд), ки аз Маскав ба Душанбе парвоз мекард, як тифли навзоди писар ба дунё омад.
Бино ба маълумоти сомонаи расмии ширкати ҳавопаймоӣ, дар таваллуди кӯдаки мусофирзани 26-сола, сокини ноҳияи Ёвон Насиба Давлатова табибе, ки дар ҳавопаймо ҳузур доштааст, иштирок карда, таваллуди тифл ба хайрият ва бидуни мушкилот сурат гирифтааст.
«Давлатова дар моҳи нӯҳуми ҳомиладорӣ қарор дошта, ба ҳайати кормандони тиббии фурудгоҳи «Домодедово»-и шаҳри Маскав маълумотномаи бардурӯғ дар бораи муҳлати ҳомиладориашро пешниҳод кардааст, - гуфта мешавад дар иттилои ширкат. – Тавре баъдтар маълум шуд, ин зан бори аввал таввалуд карда, дар ӯ хатари таваллуди пеш аз муҳлат вуҷуд доштааст. Сарфи назар аз ин, зан дидаву дониста ҳаёти худ ва тифли батнашро зери хатар гузошт».
Пас аз фуруд омадани ҳавопаймо зану кӯдаки навзодро кормандони тиббии фурудгоҳ муоина карда, сипас онҳо ба таваллудхонаи № 2-и пойтахт фиристода шуданд.
Ёдрас мекунем, ки ин ҳодисаи чоруми таваллуди тифли навзод дар ҳавопаймоҳои ширкати «Тоҷик Эйр» аст. Тифли аввал (писар) моҳи декабри соли 2007 зимни парвози ҳавопаймои хатсайри Санкт-Петрбург-Душанбе, тифли дуюм (духтар) соли 2008 дар ҳавопаймои хатсайри Маскав-Душанбе ва тифли навзоди сеюм (писар) моҳи октябри соли 2011 ҳангоми парвози ҳавопаймо аз Маскав ба Душанбе ба дунё омада буданд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста