Дар ноҳияи Ваҳдат ба 19 масҷиди намози панҷгона гузаронидани намози ҷумъа иҷозат дода шуд.
Қаблан пас аз интишори изҳороти Шӯрои уламо дар бораи гузаронидани маросими мазҳаби шиаи «Ошӯро» дар масҷиди бародарон Тӯраҷонзодаҳо дар Ваҳдат, гузаронидани намози ҷумъа дар ин масҷид манъ шуда буд.
Тавре ба ОИ «Азия-Плюс» сардори раёсати иттиҳодияҳои динии Кумитаи умури дини назди ҳукумати ҷумҳурӣ Солеҳҷон Завқиев хабар дод, ахири соли гузашта ба 10 масҷид ва аввали сол боз ба 9 масҷид гузаронидани намози ҷумъа иҷозат дода шуд.
«Бо назардошти пешниҳоди мақомоти маҳаллии ҳокимияти давлатӣ барои кафолати таъмини амнияти ибодаткунандагон дар мавсими зимистон ва кам шудани сафи намозгузорон дар намози ҷумъа, мо ба 19 масҷиди намозҳои панҷгона иҷозати гузаронидани намози ҷумъаро додем», - гуфт вай.
Ба гуфтаи ӯ, зимни додани иҷозатнома як қатор талабот, аз қабили шароити мусоид барои ибодат, ҷавобгӯ будани масҷид ба талаботи санитариву гигиенӣ, экологӣ ва меъмориву бехатарии сӯхтор ба инобат гирифта шуданд. «Ҳамчунин дар назди масҷидҳо бояд истгоҳ барои автомашинаҳо мавҷуд бошад, то ки автомашинаи зиёд дар як ҷо ҷамъ нашуда, ба ҳаракати нақлиёт халал нарасонад», - таъкид кард Завқиев.
Номбурда афзуд, айни замон пешниҳоди ҳукумати ноҳияи Ҳисор дар бораи ба ҳашт масҷиди намози панҷгонаи ин ноҳия додани иҷозати гузаронидани намози ҷумъа мавриди баррасӣ қарор дорад.
Қобили зикр аст, ки феълан дар Тоҷикистон 3 ҳазору 882 масҷид амал мекунад, ки ба як масҷид 1,9 ҳазор нафар аҳолӣ рост меояд.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста