Ронандагони мошинҳои боркаш мегӯянд, акнун он на 400, балки 60 доллар нарх дорад, ки ин ҳам 8 баробар аз арзиши расмии он болотар аст.

Арзиши иҷоза барои интиқоли борҳои байналмилалӣ пас аз гирдиҳамоии ронандагони мошинҳои боркаш дар назди бинои Вазорати нақлиёти Тоҷикистон 7 маротиба кам карда шуд. Хадамоти масъули додани ҳуҷҷатҳо пешниҳоди далелҳои коррупсиониро талаб мекунад.

Иҷоза (жаргон) як ҳуҷҷати дуҷонибаи иҷозатдиҳӣ мебошад, ки ба ронанда ҳуқуқи интиқоли мол аз кишвари дигарро медиҳад.

Ронандагони мошинҳои бузургҳаҷми боркаш (фураҳо) ба “Азия-Плюс” хабар доданд, ки “иҷоза”-ро ба онҳо то моҳи сентябр бо нархи 60 доллар фурӯхта, сипас то 400 доллар боло бурданд, ҳарчанд дар Вазорати нақлиёт изҳор мекунанд, ки ин ҳуҷҷат дар асл ҳамагӣ 84 сомонӣ (7,5 доллар) нарх дорад.

Ба гуфтаи ронандаи мошини боркаш Абдуҳамид Собиров, ки аз Ӯзбекистони ҳамсоя ба ҷумҳурӣ молу маҳсулот меорад, пас аз вохӯрӣ бо роҳбарияти Вазорати нақлиёт арзиши иҷоза ба сатҳи пешинааш баргардонида шуд, аммо он то ҳол 8 маротиба аз таърифаи (тариф)- расмӣ болотар аст.

Ронандагони мошинҳои боркаш дар назди бинои Вазорати нақлиёт
Сурат: Радиои Озодӣ

Ба гуфтаи ронандагони мошинҳои боркаш, нархҳои баланди беасос дар ниҳояти кор ба дӯши истеъмолкунандагон вогузор мешаванд.

«Болоравии арзиши аслии ҳама гуна маҳсулот ногузир ба зиёдшавии нархи ниҳоии чаканаи ин ё он молу маҳсулот боис мегардад, зеро хароҷоти интиқоли бор боло меравад. Ҳамин тавр, он на ба даромади таъминкунандагон, балки ба кисаи истеъмолкунандагон таъсир мерасонад. Агар даромади зарурӣ гирифта нашавад, касе ба ин ё он тиҷорат машғул нахоҳад шуд », - афзуд Собиров.

Ба гуфтаи Абдуҳамид Собиров, ронандагон дар нақша доранд, ки нархро то сатҳи қонунӣ бирасонанд, аммо чӣ гуна - ӯ мушаххасан маълумот надод.

Хадамот: Бо далел биёед

Ин ҳуҷҷат аз ҷониби як воҳиди Вазорати нақлиёт - Хадамоти давлатии назорат ва танзим дар соҳаи нақлиёт бо муроҷиати боркашон тавассути ширкатҳои логистикӣ дода мешавад.

Дар Хадамот ба “Азия-Плюс” шарҳ доданд, ки чунин ҳуҷҷатҳо бо миқдори муайян охири ҳар сол омода гардида, бо кишварҳои шарики тиҷорат мувофиқа карда мешаванд.

Хадамот бо Ӯзбекистон бо назардошти ҳаҷми боркашонӣ дар соли 2020,  8,5 ҳазор ҳуҷҷат мувофиқа карда, аммо бо авҷ гирифтани фаъолияти иқтисодӣ дар соли ҷорӣ, ин миқдор танҳо то охири моҳи август кифоя кард.

«Аввали моҳи сентябр, вақте ки Хадамот бо ҷониби Ӯзбекистон дар ҳолати омодасозии иҷозатномаҳои иловагӣ қарор дошт, ин ҳуҷҷат муваққатан мавҷуд набуд ва бесарусомонӣ сар шуд. Шояд касе аз фурсат истифода бурда, онро дар ҷое бо нархҳои баланд фурӯхт, аммо мо ин чунин далелҳо наёфтем», - гуфт манбаъ.

Ӯ зикр кард, ки иҷозатнома барои барои ҳамлу нақли бор аз ҷониби Хадамот бо муроҷиати ширкатҳои боркашонӣ бо нархи расмии 84 сомонӣ (7,5 доллар) дода мешуд ва мешавад.

Зикр шуд, ки онҳо наметавонанд бидонанд, ки ронандагон ин ҳуҷҷатро аз роҳбарияти ширкатҳо барои интиқоли молашон бо кадом нарх гирифтаанд ва мегиранд.

Вай идома дод, ки пас аз гирдиҳамоии ронандагон дар назди бинои Вазорати нақлиёт, дар ҷараёни мурофиаи серӯза, муайян кардан имкон надошт, ки маҳз кӣ иҷозатро бо нархҳои баланд гирифтааст.

"Ҳеҷ як ронанда натавонист ба мо дар  ҳақиқат исбот кунад, ки онҳо бо нархи баланд иҷозатнома гирифтаанд", - гуфт манбаъ.

Дар Хадамот таъкид доштанд, ки бо Ӯзбекистон беш аз 5 ҳазор иҷозатномаи иловагӣ мувофиқа карда шудааст, ки ин то охири сол кофӣ аст.

Ба ронандагон тавсия дода мешавад, ки минбаъд дар сурати амалҳои ғайриқонунӣ нисбати онҳо, ҳама далелҳоро маҳфуз доранд, то ки ба гунаҳкорон ҷазо дода шавад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.