Дар мусобиқаи UFC 311 размикори тоҷик Муин Ғафуров бо варзишгари Ҷопон Риня Накамура (UFC 2-0, 9-0), ки то ҳол таъми бохтро начашидааст, рақобат мекунад.
Мусобиқаи UFC 311 рӯзи 18 январи соли 2025 дар Арабистони Саудӣ баргузор мешавад. Дар ин бора инсайдери ММА Марсел Дорф расман хабар додааст.
Қобили зикр аст, ки моҳи июн Муин Ғафуров дар вазни сабуктарин дар мусобиқаи UFC on ABC 6 дар Ар-Риёз (Арабистони Саудӣ) бо қарори якдилонаи доварон Кюн Хо Канг (UFC 8-5-1, 19-12), намояндаи Кореяро мағлуб кард.
Акнун рекорди рӯзмарраи ӯ дар рақобатҳои омехтаи касбӣ 19 ғалаба ва 6 бохтро ташкил медиҳад. Дар чемпионати мутлақи размикорон (UFC) Ғафуров 3 рақобат анҷом дод ва ғалаба бар Канг аввалин дар ин промоушен дониста мешавад.
Ҳозир рақобати нави Муин Ғафуров маълум шуда, пас аз рақобати пешина бо намояндаи Корея ӯ бо варзишгари Ҷопон Риня Накамура рақобат мекунад.
Муин Ғафуров чорумин размикор аз Тоҷикистон аст, ки бори аввал дар UFC ҳунарнамоӣ кард. Ҳанӯз соли 2021 Ғафуров талош варзида буд, ки тариқи Силсилаи довталабии Дана Уайт ба UFC роҳ ёбад, лекин бо қарори доварон дар рақобат шикаст хӯрд.
Соли 2022 дар промоушени амрикоии LFA ду ғалаба бо нокаут ба даст овард. То рақобатҳо дар Амрико Муин дар мусобиқаҳои ONE, Alash Pride ва ACB, инчунин қувваозмоиҳо дар TFC иштирок кардааст.
Моҳи июни соли 2023 дар рақобати аввали худ дар UFC дар мусобиқаи Vegas 74 Муин Ғафуров бо қарори якдилонаи ҳакамон аз Ҷон Кастанеде шикаст хӯрда буд. Моҳи октябри ҳамон сол боз аз варзишгари Русия Саид Нурмагомедов шикаст хӯрд. Моҳи июни соли 2024 бошад, дар рақобат бо намояндаи Корея Ку Хо Канг ба пирӯзии аввалини худ дар Лига ноил гардид.
Руcский