Ҳудуди 80%-и хонандагони мактабҳои таҳсилоти миёнаи умумии Тоҷикистон, ки дар санҷиши навиштани иншои хурд - эссе иштирок карданд, аз имтиҳон нагузаштанд.

Ба гуфтаи директори Маркази милллии тестии ҷумҳурӣ Хуршед Икромӣ, дар санҷиши тирамоҳи соли 2016 толибилмони синфиҳои 11-и мактабҳои шаҳру навоҳии Душанбе, Ваҳдат, Рӯдакӣ ва Ҳисор ширкат варзида, тибқи нишондиҳандаҳо шумори холи аз ҳама зиёдтар барои навиштани иншо 24 балл муқаррар шуда буд.

«Аз 916 нафар иштиркочиён 720 нафар (ҳудуди 80%) камтар аз нисфи ин нишондиҳандаро ба даст оварда, танҳо 1 нафар ба 24 балл ва боз 2 хонандаи дигар ба 23 балл оҳиб шуданд, - иброз дошт ӯ. - Ба ҳисоби миёна иштирокчиёни санҷиш 8-9 баллӣ ба даст оварда, 36 нафар умуман ягон балл ба даст оварда натавонистанд».

Зикр гардид, ки Маркази миллии тестӣ ҷиҳатикумак ба хонандагону омӯзгорон барои омодагиии беҳтар ба тестҳои имтиҳонии соли 2018, ки дар он барои ҳамаи довталабон сарфи назар аз забони таҳсил, навиштани иншои хурд ҳатмӣ мешавад, дастурҳои методӣ таҳия кардааст.