Имрӯз, 16-уми ноябр, Рустам Эмомалӣ, раиси Маҷлиси миллии Маҷлиси олии Ҷумҳурии Тоҷикистон ва раиси шаҳри Душанбе дар дар қароргоҳи давлатии “Ала-Арча” пойтахти Қирғизистон шаҳри Бишкек бо Валентина Матвиенко, раиси Шӯрои Маҷлиси федералии Русия, ки ҳамзамон раисии Ассамблеяи Байнипарламентии давлатҳои иштирокчии ИДМ-ро ба уҳда дорад, мулоқот кард.

Зимни мулоқот ҷонибҳо аз раванди ҳамкории судманд байни Маҷлиси миллии Маҷлиси Олии Ҷумҳурии Тоҷикистон ва Шурои Федератсияи Маҷлиси Федералии Федератсияи Русия, аз ҷумла дар доираи Ассамблеяи Байнипарламентии давлатҳои иштирокчии Иттиҳоди Давлатҳои Мустақил изҳори қаноатмандӣ намуданд.

Бо назардошти аҳаммият ва нақши муколамаи доимии байнидавлатӣ раванди имрӯзаи густариши ҳамкории гуногунҷанбаи Тоҷикистон ва Русия ба сатҳи шарикии стратегӣ мувофиқ арзёбӣ гардид.

Ҳамчунин, имрӯз Рустами Эмомалӣ дар Конференсияи байналмилалӣ бахшида ба 85-солагии таъсиси Жогорку Кенеш – Шурои Олии Ҷумҳурии Қирғизистон иштирок ва суханронӣ намуд.

Бояд гуфт, ки сафари Рустами Эмомалӣ ба шаҳри Бишкек ҷиҳати иштирок дар ҷаласаи Шуро ва ҷаласаи 56-уми пленарии Ассамблеяи Байнипарламентии давлатҳои иштирокчии Иттиҳоди Давлатҳои Мустақил сурат мегирад.

Дар Telegram, Facebook, Instagram, OK ва ВК бо мо бимонед.