Варзишгари ҷавон Сомон Маҳмадбеков барои пирӯзӣ дар Чемпионати ҷаҳон оид ба дзюдо 24-уми октябр дар Фурудгоҳи байнулмилалии Душанбе ботантана истиқбол шуда, ҳамзамон 10 ҳазор сомонӣ мукофотпулӣ мегирад.
Кумитаи миллии олимпии Тоҷикистон якҷо бо Кумитаи кор бо ҷавонон ва варзиш баҳри пешвози ботантанаи узви дастаи мунтахаби Тоҷикистон оид ба дзюдо Сомон Маҳмадбеков барои ба даст овардани медали тиллои Чемпионати ҷаҳон оид ба дзюдо миёни ҷавонон, ки 17-20 октябр дар шаҳри Марокаш доир шуд, 24-уми октябр дар Фурудгоҳи байнулмилалии шаҳри Душанбе маросими бошукуҳ ташкил мекунад.
Ёдовар мешавем, ки Сомон Маҳмадбеков дар Чемпионати ҷаҳон миёни ҷавонон дар вазни -73 кг бар варзишгарони Кеп Верд (Семедо Клаудиано), Қирғизистон (Асад Масабиров), Белгия (Абдул Малик Умаев), дар чорякфинал бар намояндаи Италия (Эдуардо Мелла), дар нимфинал бар Самуэл Гасснер аз Австрия ва дар финал бар Георгий Элбакиев аз Русия дастболо шуда, ба унвони қаҳрамони ҷаҳон миёни ҷавонон сазовор шуд.
Паҳлавони тоҷик баъд аз ин пирӯзӣ дар радабандии олимпии вазни -73 килои Федератсияи ҷаҳонии дзюдо аз ҷойи 21-ум ба мақоми 14-ум ва дар радабандии ҷаҳонӣ аз ҷойи 31-ум ба мавқеи 19-ум баромад. Миёни ҷавонон 57 зина боло баромада, айни замон дар ҷойи аввал аст.
Тибқи маълумоти Кумитаи миллии олимпии Тоҷикистон, Сомон Маҳмадбеков аз дастгирии ҳармоҳаи молиявии он дар ҳаҷми 300 доллари ИМА бархурдор буда, охири сол барои ин дастовардаш бо ҷоизаи Президенти ҶТ ба маблағи 50000 сомонӣ қадрдонӣ мешавад.
Сомон Маҳмадбекови 20-сола аз соли 2015 дар мусобиқаҳои байнулмилалии дзюдо иштирок мекунад ва то ин вақт медалҳои тиллои Ҷоми Африқо миёни ҷавонон (Тунис, 2017), Ҷоми Аврупо миёни ҷавонон (Арад, 2017), Ҷоми Осиё миёни калонсолон (Ҳанг Конг, 2018), медали нуқраи Ҷоми Аврупо миёни ҷавонон (Коимбра, 2018), медали биринҷии Чемпионати ҷаҳон миёни ҷавонон (2017)-ро мушарраф гардидааст. Ӯ дар Чемпионати ҷаҳон миёни калонсолон соли 2019 дар Токио маҳорати хуб нишон дода, ҷойи 5-умро ишғол кард.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста