Нурулло Алиев, аввалин размкори тоҷик дар UFC-ро баъди пирӯзӣ дар аввалин муҳориба дар шаҳри Лас-Вегаси ИМА ғорат кардаанд. Дар ин бора пойгоҳи иттилоотии AgFight хабар медиҳад.
Нурулло Алиев рӯзи 26-уми феврал бар ҳарифи бразилии худ Рафаэл Алвес пирӯз шуд. Пас аз пирӯзӣ дар таваққуфгоҳи меҳмонхонаи Палас Стейшн мошини иҷораашро бо тирезаи шикаста пайдо кард. Аз мошин 6 борхалта, ки дар дохили он ашёи гуногун, пул, ҳуҷҷатҳо ва дастгоҳҳои электронӣ буд, дуздида шудааст.
Ба гуфтаи Дейв Назаров, тарҷумони гурӯҳи Алиев, кормандони меҳмонхона ба дар муайян кардани ғоратгарон кӯмак накардаанд. Онҳо ҳатто барои муайян кардани шахсияти ғоратгарон бо истифода аз дастгоҳҳои сабт иқдоме накардаанд. Худи варзишгарон ашёи гумшударо тавассути системаи ҷойгиршавӣ дар AirPods, ки дар яке аз ҷузвдонҳо буданд, пайдо кардаанд.
“Мо борхалтаҳои худро дар мошини боркаш пайдо кардем, аммо вақте ғоратгарон фаҳмиданд, ки мо онҳоро таъқиб мекунем, суръати ҳаракатро тезониданд. Ба 911 занг задем, аммо онҳо ба мо кумак кардан нахостанд, зеро ин ҳолати фавқулодда набудааст”, - гуфт Назаров.
Онҳо ба сарвари амнияти UFC муроҷиат кардаанд ва ӯ барои кӯмак детективҳои хусусиро фиристодааст. Пас аз чанд соат, мошин ёфт шуда, аммо ашёҳо нопадид шудаанд.
Гуфта мешавад, ки ҳоло полиси Лас - Вегас тафтишотро оғоз кардааст.
Ёдовар мешавем, ки охири ҳафтаи гузашта Нурулло Алиев дар нахустин қувваозмоии худ дар UFC бар Рафаэл Алвес бразилӣ пирӯз шуд. Варзишгари Тоҷикистон дар 8 қувваозмоӣ тибқи қоидаҳои муҳорибаи омехта 8 пирӯзӣ ба даст овардааст.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста