Дар даври дуюми марҳилаи гурӯҳии Лигаи қаҳрамонҳои Конфедератсияи футболи Осиё-2023/24 дар гурӯҳи “Е” қаҳрамони Тоҷикистон - дастаи “Истиқлол” дар меҳмонӣ набарди шоиста нишон дода, аз тими “Ан-Наср”-и Арабистони Саудӣ бо ҳисоби 1:3 шикаст хӯрд.
Тавре ки Федератсияи футболи ҷумҳурӣ хабар медиҳад, аз тими “Истиқлол” ҳамлагар аз Кот-д Ивуар Сенин Себаи тӯбро ба ҳадаф расонид.
Гуфта мешавад, аз дастаи “Ан-Наср” ду тӯбро Андерсон Талискаба ҳадаф расонид.
Боз як голро капитани дастаи "Ан-Наср" Криштиану Роналду ба дарвозаи ҳариф ворид кард.
Бозии дигари дастаҳои ин гурӯҳ байни “Ал -Дуҳайл” (Қатар) ва “Персеполис” (Эрон) бо ҳисоби 1:0 бар фоидаи дастаи меҳмонон - “Персеполис” анҷом ёфт.
Дар даври сеюми марҳилаи гурӯҳии Лигаи қаҳрамонҳои КФО-2023/24 рӯзи 24 октябр “Истиқлол” дар меҳмонӣ бо тими “Персеполис”-и Эрон дар Теҳрон бозӣ мекунад.
Тақвими бозиҳои боқимондаи "Истиқлол"
Даври 3-юм
24 октябр
«Персеполис» (Эрон) – «Истиқлол» (Тоҷикистон)
Даври 4-ум
7 ноябр
«Истиқлол» (Тоҷикистон) – «Персеполис» (Эрон)
Даври 5-ум
27 ноябр
«Ал-Дуҳайл» (Қатар) – «Истиқлол» (Тоҷикистон)
Даври 6-ум
5 декабр
«Истиқлол» (Тоҷикистон) – «Ан-Наср» (Арабистони Саудӣ)
Руcский