Пагоҳ дар шаҳри Абу-Дабии Аморати Муттаҳидаи Араб мусобиқаи навбатии “World Judo Tour” – “Abu-Dhabi Grand Slam – 2024” оғоз меёбад ва дар он 6 ҷудокори тоҷик ширкат меварзанд. Дар ин бора шаҳрдории Душанбе хабар медиҳад.
Ба иттилои манбаъ, ин мусобиқа бо иштироки 236 ҷудокор (163 мард, 73 зан) аз 33 кишвари ҷаҳон баргузор мегардад.
Гуфта мешавад, Тоҷикистонро дар мусобиқаи “Abu-Dhabi Grand Slam - 2024” дар вазнҳои гуногун ин ҷудокорон муаррифӣ мекунанд:
* Обид Ҷебов (-66кг);
* Беҳрӯзи Хоҷазода (-73кг);
* Абубакр Шеров (-73кг);
* Муҳаммадҷон Абдулҷалилзода (-90 кг);
* Умедҷон Раҷабзода (-90кг);
* Ҷаҳонгир Маҷидов (-100кг).
Ин мусобиқа то рӯзи 13-уми октябр давом мекунад.
Ба барандагони медали тило 5 ҳазор евро, медали нуқра - 3 ҳазор евро ва ба соҳибони медали биринҷӣ 1 ҳазору 500 евро тақдим мегардад.
Мусобиқаҳои байналмилалии ҷудо яке аз роҳҳои муҳими рушди ин варзиш ва баланд бардоштани сатҳи касбии варзишгарон мебошад. “World Judo Tour” силсилаи мусобиқаҳоест, ки дар он беҳтарин ҷудокорони ҷаҳон иштирок мекунанд.
Ёдовар мешавем, ки “Abu-Dhabi Grand Slam - 2024” яке аз марҳилаҳои муҳимми ин силсиламусобиқаҳо ба ҳисоб меравад. Ин мусобиқа на танҳо имконияти санҷидани қувва бо беҳтарин ҷудокорони ҷаҳонро фароҳам меорад, балки барои ҷамъоварии имтиёзҳо барои роҳхат ба бозиҳои олимпии навбатӣ низ муҳим аст.
Ифтитоҳи Маркази шуғли фосилавӣ дар Шуғнон
“Ҳар кас фалаксаро шуда наметавонад”. Мусоҳиба бо фалаксарои ҷавони тоҷик Манучеҳр Бурҳонов
“Бо табар якеро захмӣ кард”. Муноқишаи хонандагони ду мактаб дар Душанбе
Ба ҷойи ҳаҷ. Сокинони Шаҳристон роҳ ва дар мактабҳо ошхона сохтанд
“Аудиокитоб” бо Субҳон Ҷалилов. Маснавии маънавӣ. Ҳикояи “Беморӣ аз ваҳму хиёл”
Чӣ гуна метавон забони яғнобиро ҳифз кард?
Тоҷикон мошини сайёҳони чехро таъмир мекунанд
“Аудиокитоб” бо Субҳон Ҷалилов. Маснавии маънавӣ. Ҳикояи “Дуои марди коҳил”
Тақдири замини “Зелёний бозор” чӣ шуд? Чаро то имрӯз дар ҷойи он иншооте насохтаанд?
Ба ВМКБ ангишт бо нархи дастрас ва кумак барои ниёзмандон фиристода шуд
Кулли ахбор
Авторизуйтесь, пожалуйста