Раёсати корҳои дохилии Душанбе дар як амалиёти шартие бо номи "Эстакада" 140 ронандаи нақлиёти мусофиркашонии ҷамъиятӣ ва хусусиро барои таваққуфи нодуруст пртоколои маъмурӣ кардаву 535 ҳолати  убури ғайриқонунии роҳ ва поймол кардани гулгаштҳо аз сӯйи пиёдагардҳоро ошкор кардааст.

Дафтари матбуоти пулиси Душанбе мегӯяд ронандагонро барои таваққуфи нодуруст ва истодану нигоҳ доштани нақлиёт дар ҳудуди эстакадаҳо ва аз ҷойҳои муқарарнашудаи роҳ савор кардани мусофирон ҷарима бастааст. Пулиси Душанбе ин ронандагонро бар асоси моддаи 324-и Кодекси ҳуқуқвайронкунии маъмурӣ ҷарима бастаасту ба додгоҳ ирсол намудааст. 

Гуфта мешавад дар миёни 535 нафаре, ки барои убури ғайриқонунии роҳ ва поймол намудани гулу буттаҳои ороишӣ ошкор шудаанд аксарашон сокинони биноҳои баландошёнаи атрофии эстакадаҳо ва донишҷӯёну хонандагони муаассаҳои таълимӣ будаанд.

Бино ба иттилои пулис ин сокинонро низ протоколи маъмурӣ кардаанд. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.