ЯК РӮЗИ ТАЪРИХ – 1 ЯНВАР

Соли 1933 - Дар заминаи Китобхонаи шаҳрӣ, Китобхонаи ҷумҳуриявӣ таъсис ёфт, ки он соли 1934 номи Абулқосим Фирдавсиро гирифт.

Соли 1934 - Театри вилоятии шаҳри Хуҷанд таъсис ёфт.

Соли 1991 - Нашрияи Маҷлиси Олии Ҷумҳурии Тоҷикистон — "Садои мардум" таъсис  ёфт.

Соли 1993 — Шабакаи телевизиюнии "Euronews" таъсис ёфт.

 

ШАХСИЯТҲО

Соли 1885 — Мавлуди Баҳром Сирус, доктори илмҳои филология, Ходими шоистаи илми Тоҷикистон;

Соли 1920 — Зодрӯзи Шамсӣ Қиёмов, драматург, коргардони театр, Ҳунарпешаи халқии Тоҷикистон;

Соли 1928 — Мавлуди Гулчеҳра Сулаймонӣ, шоири халқии Тоҷикистон, дорандаи Ҷоизаи давлатии ба номи Рӯдакӣ.

Гулчеҳра Сулаймонӣ соли 1928 дар хонаводаи Пайрав Сулаймонӣ, яке аз адибони шаҳири тоҷик дар Бухоро ба дунё омааастд. Хатмкардаи омӯзишгоҳи духтарона ва Институти давлатии педагогии Бухоро аст.

Ӯ муаллифи зиёда аз 20 маҷмӯаи ашъор мебошад. Аз ҷумла, маҷмӯаҳои "Имрӯз ид", "Ду бех олу", "Наргис", "Чархофалак", "Аспак", "Чил кокули бозигар", "Себи хубон" ва ғайра.

Гулчеҳра Сулаймонӣ ҳамроҳи падараш Пайрав Сулаймонӣ
Акс аз Радиои Озодӣ

Соли 1936 — Зодрӯзи Абдуллоҳ Қодирии Мумтоз, шоир, Корманди шоистаи маданияти Тоҷикистон;

Соли 1939 — Мавлуди Алиҷон Солиев, сароянда, Ҳунарпешаи шоистаи Тоҷикистон;

Соли 1940 — Шоҳмузаффар Ёдгорӣ, шоир, Корманди шоистаи Тоҷикистон;

Соли 1955 — Гулсифат Шаҳидӣ, адабиётшинос.

Гулсифат Шаҳидӣ соли 1955 дар оилаи иқтисоддонҳо Ғаффор ва Масрура Сатторовҳо ба дунё омад. Фориғуттаҳсили бахши рӯзноманигории Донишгоҳи давлатии Тоҷикистон аст.

Гулсифат Шаҳидӣ
акс аз Википедия

Ӯ узви Иттифоқи нависандагони Русия ва Гилдияи эҷодии Авруосиё буда, дар Маскав ва Лондон кору зиндагӣ мекунад. Ҳамсараш оҳангсози маъруфи тоҷик Толибхон Шаҳидӣ аст. Ӯ солҳо дар Тоҷикистон дар самти журналистика фаъолият бурдааст. Баъдтар ба фаъолияти эҷодӣ пардохта, беш аз даҳ китоб нашр кард, ки ба забонҳои гуногун тарҷума шудаанд.

Соли 1957 - Зодрӯзи Абдулмаҷид Усмонов, рӯзноманигори тоҷик ва собиқ диерктори телевизиони "Ҷаҳоннамо".

Соли 1957 - Зодрӯзи Шерхон Салимзода, яке аз сиёсатмадорони матраҳи ҳукумати Тоҷикистон.

Ӯ додситони шаҳри Душанбе, муовини Додситонии кулли Тоҷикистон, директори Агентии назорати давлатии молиявӣ ва мубориза бо коррупсияи Тоҷикистон кор кардааст. Аз 30 январи соли 2010 то 24 январи соли 2015 Додситони кулли Тоҷикистон буд.

Ба сифати раиси Федератсияи иттифоқҳои касабаи мустақил ва бори дуввум директори Агентии назорати маводи нашъаовари назди Президенти Тоҷикистон кор кардааст. Ҳоло нафақахӯр.

Соли 1960 - Зодрӯзи Ҷонибек Асрориён, журналист ва таърихнигори тоҷик.

Соли 1962 - Зодрӯзи Исматулло Холов, овозхони тоҷик, падари Нигора ва Суруш Холовҳо.

Соли 1965 - Зодрӯзи Шамсиддин Қурбонов, муассиси Маркази тиббии "Насл".

Соли 1973 - Зодрӯзи Асадулло Раҳмон, ёрдамчии президент оид ба масоили кадрӣ, собиқ раиси Кумитаи телевизион ва радиои Тоҷикистон.

Асадулло Раҳмон

 

САНАҲОИ МУҲИМИ ҶАҲОНӢ

1-уми январ ҳамчун рӯзи соли нав дар аксари давлатҳои ҷаҳон ҷашн гирифта мешавад. Ин рӯз оғози тақвими мелодӣ (Григорянӣ) аст, ки он тақвими расмии аксари кишварҳо мебошад. Ҷашни Соли нав таърихи қадимӣ дорад ва бо гуногунии расму анъанаҳо дар кишварҳои мухталиф таҷлил мегардад.

Акс аз "Азия-Плюс"

 

ВАЗЪИ БОДУ ҲАВО БАРОИ 1 ЯНВАРИ СОЛИ 2024

Дар вилояти Суғд – Ҳавои тағйирёбанда, дар водиҳо шабона бебориш, рӯзона борони кӯтоҳмуддат меборад. Дар ноҳияҳои кӯҳию доманакӯҳӣ борон ва барф меборад. Ҳарорат: дар водиҳо шабона 0+5º гарм, рӯзона 1+6º гарм, дар ноҳияҳои кӯҳӣ шабона 1-6º сард, рӯзона -2+3º.

Дар вилояти Хатлон – Ҳавои тағйирёбанда пешгӯӣ шуда, борон меборад. Ҳарорат: дар водиҳо шабона ва рӯзона 3+8º гарм, дар доманакӯҳҳо шабона ва рӯзона 1+6º гарм.

Дар шаҳру ноҳияҳои тобеи ҷумҳурӣ –  Ҳавои тағйирёбанда пешгӯӣ шуда, бориши борон ва барф дар назар аст. Ҳарорат: дар водиҳо шабона ва рӯзона 3+8º гарм, дар ноҳияҳои кӯҳӣ шабона -3+2º, дар баъзе ноҳияҳо то 6-8º сард, рӯзона 0+5º гарм, дар баъзе ноҳияҳо то 1-3º сард.

Дар Вилояти Мухтори Кӯҳистони Бадахшон – Ҳавои тағйирёбанда пешгӯӣ шуда, борон ва барф меборад. Ҳарорат: дар ғарби вилоят шабона 4-9º сард, дар баъзе ноҳияҳо то 0+2º гарм, рӯзона -1+4º, дар шарқи вилоят шабона 23-28º сард, дар баъзе минтақаҳо то 31-33º сард, рӯзона 9-14º сард.

Дар шаҳри Душанбе – Ҳавои тағйирёбанда, борони кӯтоҳмуддат. Ҳарорати ҳаво шабона ва рӯзона 6+8º гарм.

Дар шаҳри Хуҷанд – Ҳавои тағйирёбанда, шабона бебориш пешгӯӣ шуда, рӯзона борони суст меборад. Ҳарорат: шабона 1+3º гарм, рӯзона 4+6º гарм.

Дар шаҳри Бохтар - Ҳавои тағйирёбанда пешгӯӣ шуда, дар баъзе ҳолатҳо борон меборад. Ҳарорат: шабона ва рӯзона 6+8º гарм мешавад.

Дар шаҳри Хоруғ - Ҳавои тағйирёбанда пешгӯӣ шуда, борон ва барф меборад. Ҳарорат: шабона 5-7º сард, рӯзона 0-2º сард.

Дар Telegram, Facebook ва Instagram бо мо бимонед.