Душанбе. 2-юми июн. «Азия-Плюс» — |Рӯзҳои 7-8-уми июни соли ҷорӣ дар пойтахти Туркманистон – шаҳри Ашқобод ҷаласаи сеюми Комиссияи байниҳукуматӣ оид ба ҳамкории тиҷоративу иқтисодӣ ва илмиву техникии Туркманистону Тоҷикистон баргузор мешавад.
Тавре ба ОИ «Азия-Плюс» аз Вазорати рушди иқтисод ва савдои ҷумҳурӣ иттилоъ доданд, дар ҷаласа баррасии масъалаи вазъи кунунӣ ва дурнамои рушди муносибатҳои ҳамкории Тоҷикистону Туркманистон дар бахши энергетика дар назар аст.
Ба иттилои манбаъ, интизор меравад, ки масъалаи афзоиши ҳаҷми воридоти маводи сӯзишворӣ аз Туркманистон ба кишвари мо низ мавриди баррасӣ қарор гирад. «Баррасии масъалаи таҳкими минбаъади ҳамкориҳо дар бахшҳои кишоварзӣ, коммуникатсия ва фарҳанг низ ба нақша гирифта шудааст», - гуфтанд дар вазорати мазкур.
Зикр гардид, ки ҳайати Тоҷикистонро дар ин ҷаласа вазири энергетика ва саноати Тоҷикистон Гул Шералӣ сарварӣ хоҳад кард.
Бино ба маълумоти Агентии омори назди президенти ҷумҳурӣ, дар зарфи чаҳор моҳи соли равон ҳаҷми муомилоти мол миёни Тоҷикистон Туркманистон 39,5 млн. доллари ИМА-ро ташкил додаст, ки нисбат ба нишондиҳандаҳои ҳамин давраи соли гузашта қариб ду баробар зиёд аст.
Дар моҳҳои январ-апрели соли равон ба Тоҷикистон аз Туркманистон дар ҳаҷми 38,9 млн. доллари ИМА маҳсулот ворид гардида, ҳаҷми маҳсулоти содиротии Тоҷикистон ба ин кишвар 600 ҳазор доллари ИМА-ро ташкил додааст.
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Шӯрои уламо: “Ба суханони уламои кишвар амал кунед”
Наздикони ду гумонбари ҳамла ба "Крокус Сити Ҳолл"-и Маскав дар Тоҷикистон аллакай бозпурсӣ шудаанд
“Виза” ҷорӣ шавад”. Баъди ҳамла ба “Крокус Сити Ҳолл” вакилони Русия хостори ҷорӣ кардани раводид бо Тоҷикистон шуданд
Кулли ахбор
Авторизуйтесь, пожалуйста