Ба аввали моҳи июли соли ҷорӣ бақияи умумии қарзҳо дар низоми бонкии ҷумҳурӣ нисбат ба ҳамин давраи соли гузашта 142,7 фоиз зиёд шуда, 6,5 млрд. сомониро ташкил намуд.
Зимни нишасти хабарӣ раиси Бонки миллии Тоҷикистон Абдуҷаббор Ширинов қайд кард, ки таркиби сохтори он аз 38,2 фоизи қарзҳо бо пули миллӣ ва 61,8 фоизи боқимондаи қарзҳо бо асъори хориҷӣ иборат мебошад.
Ба қавли ӯ, дар нимсолаи аввали соли равон 4,2 млрд. сомонӣ қарз дода шудааст, ки нисбат ба ҳамин давраи соли қаблӣ 43,8 фоиз зиёд аст. «Фоизи миёнавазни қарзҳо бо пули миллӣ 24,8 фоиз ва бо асъори хориҷӣ 21,7 фоизро ташкил намуда, нисбат ба нимсолаи якуми соли гузашта бо пули миллӣ 4,7 банди фоизӣ зиёд гардида, бо асъори хориҷӣ 2,5 банди фоизӣ кам шуд. Ҳаҷми қарзҳои пардохташуда ба 3,1 млрд. сомонӣ баробар шуда, коэффитсенти бозгашти он, 74,2 фоизи қарзҳои дар нимсолаи аввал додашударо ташкил намуд.», - иброз дошт раиси БМТ.
А.Ширинов зикр кард, ки нимсолаи аввал муҳлати миёнаи пардохти қарзҳо барои шахсони воқеӣ 441 рӯз ва барои шахсони ҳуқуқӣ 369 рӯзро ташкил намуд. «Ҳаҷми қарзҳои хурди додашуда назар ба нимсолаи якуми соли қаблӣ 49,8 фоиз зиёд шуда, ба 2,2 млрд. сомонӣ баробар шуд. Аз ин ҳисоб ба ноҳияҳои дурдасти куҳистон 444,8 млн. сомонӣ қарзҳои хурд дода шудаанд, ки нисбат ба нимсолаи аввали соли гузашта 43,9 фоиз зиёд мебошад», - изҳор дошт номбурда.
Бино ба маълумоти Бонки миллии ҷумҳурӣ, шумораи ташкилотҳои қарзӣ дар интиҳои нимсолаи аввали соли ҷорӣ ба 143 адад расид, аз ҷумла: 16 бонк, 37 ташкилоти амонатии қарзии хурд, 44 ташкилоти қарзии хурд ва 46 фонди қарзии хурд фаъолият доштанд. Дар ин давра нисбат ба нимсолаи аввали соли гузашта теъдоди ташкилотҳои маблағгузории хурд 1 адад ва филиалҳои бонкҳо 17 адад зиёд гардиданд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста