Нимсолаи аввали соли равон беш аз 298 ҳазор тонна гандум ба Тоҷикистон ворид карда шудааст, ки нисбат ба ҳамин давраи соли гузашта 13,3% ё худ 45,6 ҳазор тонна камтар аст.
Сардори Хадамоти зиддиинҳисории назди ҳукумати ҶТ Ҳамдам Тағоймуродов зимни нишасти хабарии имрӯза дар ин робита изҳор намуд, ки дар ин давра гандум ба ҷумҳурӣ асосан аз Қазоқистон бо нархи 355 доллари ИМА барои 1 тонна оварда шудааст.
Коҳиши ҳаҷми воридоти гандум ба ҷумҳуриро Тағоймуродов ба мавҷудияти захираҳои кофӣ ва афзоиши истеҳсоли зироати ғалладона дар дохили ҷумҳурӣ марбут медонад.
«Таҳлилҳо гувоҳи онанд, ки дар маҷмӯъ нархи аксари маҳсулот, аз ҷумла гандуму орд ва маҳсулоти нафтӣ дар бозори мо, пеш аз ҳама ба тағийри нарх дар кишварҳои истеҳсолкунанда, болоравии арзиши хизматгузориҳои нақлиётӣ, номунтазамии таъминот ва ҳамчунин хусусияти мавсимӣ доштани нархгузорӣ ба баъзе навъҳои маҳсулот вобастаанд», - иброз дошт ӯ.
Ба гуфтаи сардори Хадамоти зиддиинҳисорӣ, тайи 6 моҳи соли равон ба воридоти гандум ба Тоҷикистон 56 субъекти хоҷагидорӣ (90,6%) ва чанде аз соҳибкорони инфиродӣ (9,4%) машғул будаанд.
«Аз ин миқдор Агентии давлатии захираҳои моддии назди ҳукумати ҶТ – 10%, ҶДММ «Магнолия» (Хуҷанд) – 9,35%, ҶДММ «Ансор-2012» (ноҳияи Спитамен) – 7,3%, ҶДММ «Мирас (Хуҷанд) – 8,09%-и гандумро ба кишвар ворид намуда, миқдори боқимонда ба ширкатҳои дигар мансуб аст», - зикр кард Тағоймуродов.
Бино ба маълумоти Агентии зиддиинҳисорӣ, нимсолаи аввали соли ҷорӣ як халта орди 50-килогии истеҳсоли Қазоқистон дар бозорҳои шаҳри Душанбе 140-150 сомонӣ, Хуҷанд – 138-140 сомонӣ ва Қӯрғонтеппа – 145-150 сомонӣ ба фурӯш гузошта шуда буд. Дар ин давра 50 кило орди истеҳсоли ватанӣ ба ҳисоби миёна 145 сомонӣ арзиш дошт.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста