Камбуди солонаи барқ дар Тоҷикистон тайи солҳои ахир аз 4,5 млрд. то 1,5 млрд. кВт/соат коҳиш ёфт.
Сардори хадамоти диспетчерии ширкати Барқи тоҷик Одинамаҳмад Чоршанбиев зимни нишасти хабарӣ дар ин робита гуфт, ин дар навбати аввал ба коҳиши ҳаҷми истифодаи барқ аз ҷониби КВД «Ширкати алюминии Тоҷикистон» вобаста буда, солҳои охир ТАЛКО ҳаҷми истифодаи барқро ба миқдори 60% кам кардааст.
Ғайр аз ин, идома дод Чоршанбиев, тайи солҳои ахир дар ҷумҳурӣ иқтидорҳои нав, аз ҷумла нерӯгоҳҳои Сангтӯда-1 ва Сангтӯда-2, Маркази барқу гармидиҳии Душанбе-2 ва як қатор иқтидорҳои нисбатан камтар ба кор даромаданд, ки ба афзоиши ҳаҷми истеҳсоли барқ ва мутаносибан коҳиши камбуди он мусоидат намуданд.
Намояндаи ширкат таъкид намуд, ки дар баробари ин ҳамасола талабот ба барқ дар Тоҷикистон ба андозаи 16-18% меафзояд. «Масалан, якчанд сол дар Душанбе шабонарӯзӣ 5 млн. кВт/соат нерӯи барқ истифода мешуд. Дар мавсими ахири тирамоҳу зимистон бошад, дар пойтахт шабонарӯзӣ ба ҳисоби миёна 16 млн. кВт/соат барқ масраф мегардид ва ин тамоил дар тамоми манотиқи кишвар ба мушоҳида мерасад», - иброз дошт ӯ.
Зимнан зикр гардид, ки нимсолаи аввали соли равон дар воҳидҳои зертобеъи ширкати «Барқи тоҷик» ҳудуди 6,8 млрд. кВт/соат нерӯи барқ истеҳсол шуда, беш аз 6,7 млрд. кВт/соати он ба нерӯгоҳҳои барқи обӣ ва ҳудуди 84 млн. кВт/соат ба марказҳои барқу гармидиҳӣ рост меоянд.
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Кулли ахбор
Авторизуйтесь, пожалуйста