Бонки байналмилалии Тоҷикистон дафтари асосии кории нави худро боз намуд, ки дар паҳлӯи чорроҳаи бинои Кумитаи гумрук (наздикии “Дом печати”) воқеъ аст.
Сохтмони бино бо риояи меъёрҳои байнулмилалӣ сурат гирифта, дар дохили бино барои бароҳату дар сатҳи баланд анҷом додани хизматрасонӣ ба мизоҷон тамоми шароитҳо фароҳам оварда шудааст.
Дар бонки мазкур ба мо хабар доданд, ки ба рушди касбии кормандони муассиса таваҷҷуҳи хосса зоҳир мешавад, чунки онҳо арзишмандтарин дороии бонк мебошанд.
Дар маросими ифтитоҳи бино раҳбарияти Бонки байналмилалии Тоҷикистон, намояндагони Бонки миллии ҷумҳурӣ, муштариён ва шарикони Бонк, ҳамчунин дигар меҳмонони воломақом ширкат варзиданд.
Муовини раиси Бонки миллии Тоҷикистон Ҳамидулло Машрабзода қайд кард, ки Бонки байналмилалии Тоҷикистон яке аз бонкҳои ҷавон ва дар ҳоли рушд қарордошта буда, дар давраи нисбатан кӯтоҳи фаъолият бо пешниҳоди хизматгузориҳои хушсифат эътимоди мизоҷонро ба даст овард.
“Бовар дорем, ки минбаъд доираи хизматгузории Бонк густариш ёфта, ҳамин тариқ бонк ба рушди низоми бонкӣ дар ҷумҳурӣ, бахусус пешравиҳо дар низоми пардохти ғайринақдӣ бо истифода аз технологияҳои муосир саҳми худро мегузорад”, - иброз дошт Ҳамидулло Машрабзода.
Ба қавли муовини раиси Раёсати Бонки байналмилалии Тоҷикистон Дилафрӯз Холиқова, бонк ҳамеша мақсад дорад, ки талаботи мизоҷонро ошкор ва онҳоро қаноатманд намояд.
“Мо аз муштариёни худ миннатдорем, ки бо мо бовар карда, хизматгузориҳои ин бонкро интихоб карданд. Рӯи ҳарчи беҳтар кардани хизматрасониҳоямон минбаъд низ талош мекунем”, - қайд кард Дилафрӯз Холиқова.
Бонки байналмилалии Тоҷикистон айни замон дорои 8 филиал ва 5 марказҳои хизматрасонӣ дар минтақаҳои кишвар буда, шумори кормандонаш беш аз 230 нафарро ташкил медиҳад. Бонк узви низомҳои байнулмилалии пардохт, аз қабили VISA, UnionPay, Золотая Корона, Контакт ва Корти Миллӣ мебошад.
Осонӣ, шаффофият ва эътимоднокӣ сармашқи фаъолияти Бонки байналмилалии Тоҷикистон аст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста