Болоравии босуръати нархи сӯзишвории дизелӣ (солярка) дар нуқтаҳои фурӯши шаҳри Душанбе идома дорад. Дар давоми шаш рӯзи аввали ҳамин моҳ арзиши 1 литри он қариб 6% - аз 12,8 сомонӣ дар рӯзи 1 июл то ба 13,5 сомонӣ дар имрӯз, 6 июл боло рафт.
Нархи 1 литри сӯзившории дизелӣ бо доллари амрикоӣ дар Душанбе имрӯз ба 1,3 доллар баробар аст ва ин ҳам дар ҳолест, ки нархи миёнаи он тайи 12 сол ( аз соли 2020) ҳамагӣ 0,85 сентро ташкил медод.
То ин дам дар зарфи ҳафтаи ахири моҳи июн ин сӯзишвории автомобилӣ дар нуқтаҳои фурӯши кишвар ба андозаи 7% қимат шуд.
Дар шаҳрҳои Хуҷанду Бохтар низ сӯзишвории дизелӣ каме гарон шуд - аз 13,4 то ба 13,5 сомонӣ.
Нархҳо ба дигар навъҳои сӯзишворӣ барои автомашинаҳо аз оғози моҳи июл қариб дар як сатҳ қарор доранд.
Арзиши 1 литр бензини “тамғаи мардумӣ”-и АИ-92 дар нуқтаҳои фурӯши сӯзишвории пойтахт 10,6 сомонӣ, Хуҷанд - 10,9 сомонӣ ва Бохтар - 10,8 сомониро ташкил медиҳад.
Ҳафтаи аввали моҳи июл нархҳо ба гази моеъ дар Душанбе (аз 6,10 то ба 6,20 сомонӣ) ва Бохтар (аз 6,20 то ба 6,30 сомонӣ) каме зиёд шуданд. Дар Хуҷанд 1 литр гази моеъ 6,10 сомонӣ нарх дорад.
Бино ба маълумоти Агентии омори кишвар, давоми моҳҳои январ-майи соли равон нархҳои чакана ба сӯзишвории дизелӣ дар ҷумҳурӣ 8,4% боло рафта, арзиши бензин ва гази моеъ баръакс, ба андозаи 1,8% ва 16,1% поин рафтаанд.
Сабаби болоравии ин навъи сӯзишвориро дар Хадамоти зиддиинҳисории кишвар ба афзоиши талабот ба ин навъи сӯзишворӣ ва мутаносибан гароншавии он дар кишварҳои содиркунанда нисбат медиҳанд.
Дар ҳамин ҳол, баъзе воридкунандагони маводи сӯзишворӣ болоравии нарх ба сӯзишвории дизелиро ба амалиёти ҳарбии Русия дар Украина марбут медонанд. Онҳо мегӯянд, техникаи зиреҳпӯш, мошинҳои боркаши низомӣ ва дигар нақлиёти заминии ҳарбӣ асосан аз сӯзившории дизелӣ истифода мекунанд, зеро муҳаррикҳо бо ин сӯзишворӣ муддати тӯлонӣ кор карда, сӯзишвориро кам истеъмол мекунанд.
Болоравии талабот ба ҳама гуна маҳсулот бешак ба афзоиши автоматии арзиши он боис мегардад. Мо ҳеҷ гуна тасдиқи расмии ин фарзияи ширкатҳои таъмингарро пайдо карда натавонистем.
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста