Дар Душанбе маросими муаррифии барориши коғазҳои қиматноки давлатӣ дар бозори озод баргузор гардид.
Ба иттилои Вазорати молияи ҷумҳурӣ, иштирокчиёни чорабинӣ (Roadshow) бо шартҳои барориш ва ҷойгиркунии вомбаргҳои давлатии Тоҷикистон шинос шуданд.
Road Show як таркиби омодагии амалии ширкат зимни барориши коғазҳои қиматноки он буда, маъмулан як силсила вохӯриҳоро бо сармоягузорони имконпазир дар шаҳрҳои калидӣ пешбинӣ мекунад.
Дар чорабинӣ вазири молия ва раиси Бонки миллӣ, инчунин намояндагони як қатор вазорату идораҳои кишвар ва ниҳодҳои байнулмилалии молиявӣ иштирок карданд.
Гуфта мешавад бозори такрории коғазҳои қиматнок бо дастури Эмомалӣ Раҳмон, ки дар паёми ахираш дода буд, роҳандозӣ мешавад.
Ёдрас мекунем, ки зимни ироаи паём ба парлумон рӯзи 27 декабри соли гузашта президент ба сохторҳои дахлдор дастур дод, ки “ҷиҳати рушди бозори коғазҳои қиматнок, бахусус коғазҳои қиматноки “сабз” ва бозори такрорӣ тадбирҳои зарурӣ андешида шаванд”.
Бозори такрории коғазҳои қиматнок бозорест, ки дар он коғазҳои қиматнок ба муомилот бароварда мешаванд. Дар ин бозор дигар захираҳои нави молиявиро барои барориш ҷамъ намекунанд, балки танҳо захираҳоро байни сармоягузорони минбаъда тақсим мешаванд. Ҳамчун механизми фурӯши дубора, он ба сармоягузорон имкон медиҳад, ки коғазҳои қиматнокро озодона харанд ва фурӯшанд.
Дар хабар таъкид мешавад, ки барориши коғазҳои қиматноки давлатӣ барои бозори озод бо иштироки доираи васеъ тибқи шароити бозор дар кишвар бори аввал сурат мегирад.
Гуфта мешавад, дар ин бозор коғазҳои қиматноки бахши хусусӣ, аз ҷумла вомбаргҳои корпоративӣ низ метавонанд ҷойгир карда шаванд.
Танҳо “ихтиёрӣ-маҷбурӣ” нашавад
Яке аз иштирокчиёни чорабинӣ, ки нахост ному насабаш ифшо шавад, ба “Азия-Плюс” изҳор дошт, ки фурӯши коғазҳои қиматноки давлатӣ ҳам ба шахсони ҳуқуқӣ (бонкҳои тиҷоратӣ ва дигар ташкилоту ширкатҳо) ва ҳам ба шахсони воқеӣ пешбинӣ шудааст.
Дар назар аст, ки пули ҷамъоваришуда ба буҷет барои маблағгузорӣ ба бахшу соҳаҳои муҳим равона мегардад.
Мутахассис аз ташикли бозори такрории коғазҳои қиматнок дар кишвар истиқбол намуда, ба ақидаи ӯ, ин ба шаҳрвандон имкон медиҳад, ки ин коғазҳоро харида, фоида ба даст оранд.
Аммо ӯ аз он изҳори нигаронӣ мекунад, ки ҷойгиркунии вомбаргҳои нашршуда ба мисли фурӯши саҳмияҳои ҶСК “НБО Роғун” дар соли 2010 метавонад “хусусияти ихтиёрӣ-маҷбурӣ” касб кунад.
Аллакай дар нақша буд
Мақомоти Тоҷикистон ҳанӯз соли 2011 мехостанд, ки дар кишвар бозори такрории коғазҳои қиматнок ташкил ва дар он, аз ҷумла саҳмия ва гувоҳномаҳои ҶСК “НБО Роғун”-ро ҷойгир кунанд.
Аммо нақшаҳои мазкур бо сабаби ба таври кофӣ мавҷуд набудани маблағ танҳо рӯйи коғаз монданду халос.
Қобили зикр аст, ки ҷойгиркунии вомбаргҳои давлатии Тоҷикистон, ки аз ҷониби Вазорати молия нашр мешавад, дар бозори аввал тариқи музояда сурат мегирад. Музоядаҳо дар низоми Бонки миллии Тоҷикистон гузаронида мешаванд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста