Вазири рушди иқтисод ва савдои Тоҷикистон Завқӣ Завқизода рӯзи сешанбеи ҳамин ҳафта бо ҳайати Корпоратсияи давлатии «China Pingmei Shenma Holding Group Co. Ltd»-и Ҷумҳурии Мардумии Чин дидору гуфтушунид кард.
Тавре ки дафтари матбуоти Вазорат хабар медиҳад, зимни вохӯрӣ Завқизода имкониятҳои сармоягузории ҷумҳурӣ, самтҳо ва соҳаҳои афзалиятноки ҷалби сармояи хориҷӣ, аз ҷумла ба минтақаҳои озоди иқтисодии кишвар ва пешниҳоди имтиёзҳои андозиву маъмурӣ барои таъсиси корхонаҳои саноатиро муаррифӣ намуд.
Зикр шуд, ки China Pingmei Shenma Holding Group Co. Ltd-и Чин бо сармоягузории 400 млн доллар аллакай дар самти бунёди неругоҳҳои барқи офтобӣ дар минтақаҳои озоди иқтисодии «Панҷ» ва «Данғара» бо иқтидори 1000 мВт фаъолияти худро оғоз намудааст.
Дар Вазорати рушди иқтисод таъкид мекунанд, ки ин ширкати Чин ҳамчунин дар татбиқи лоиҳаи истихроҷ ва коркарди ангишти кони «Шӯроб» бо иқтидори солонаи истихроҷи 1 млн. тонна ангишт бо коркарди минбаъдаи он ба маҳсулоти кимиёвӣ кор мекунад.
Барои амалисозии лоиҳаи мазкур корпоратсияи Чин равона кардани 60 млн доллар маблағро ба нақша гирифтааст.
Завқӣ Завқизода аз корпоратсияи Чин даъват намуд, ки ба сармоягузорӣ ба истихроҷи ангишт ва газ, истеҳсоли панелҳои офтобӣ, бунёди корхонаҳои металлургӣ, маркази барқу гармидиҳӣ дар шаҳри Душанбе, маҷмааи нассоҷӣ ҷиҳати ба роҳ мондани сикли пурраи коркарди нахи пахта то маҳсулоти ниҳоӣ, корхонаҳои фармасевтӣ ва татбиқи дигар лоиҳаҳои сармоягузории афзалиятноки кишвар идома диҳад.
Дар ҳамин вохӯрӣ байни ҶДММ «Талант» ва Корпоратсияи Чин оид ба роҳандозии ҳамкории сармоягузорӣ ҷиҳати ба кор андохтани фаъолияти истихроҷи кони ангишти «Шӯроб» созишнома ба имзо расид.
Қобили зикр аст, ки кони ангишти “Шӯроб” дар 100 километрии ҷанубу ғарби Хуҷанд, дар шаҳри Исфара воқеъ аст. Захираҳои умумии он 300 млн тонна ва захираҳои тавозунӣ 130 млн тоннаро ташкил медиҳанд.
Маълумотномаи Вазорати рушди иқтисоди Тоҷикистон
Корпоратсияи давлатии China Pingmei Shenma Holding Group Co. Ltd. яке аз азимтарин гурӯҳи корхонаҳо оид ба истихроҷ ва коркарди ангишти энергетикӣ ва коксшаванда дар асоси технологияҳои «сабз» дар Чин ва истеҳсоли маҳсулоти кимиёвӣ, аз ҷумла сахарини натрий, электродҳои графитии баландиқтидор ва хокаи майдаи карбиди кремний, нейлон ва пластики муҳандисӣ, риштаи саноатӣ ва матои корд мебошад.
Иқтидорҳои коркарди ангишти корпоратсия 70 млн тонна, ҳаҷми истеҳсоли маҳсулоти саноатӣ -200 млрд. юан, дороиҳои умумӣ зиёда аз 240 млрд юан ва фоидаи софи корпоратсия 3 млрд юанро дар як сол ташкил дода, аз рӯи ҳаҷми истеҳсол ва фурӯш маҳсулоти кимиёвӣ дар Чин ва минтақаи Осиё мавқеи якумро ишғол менамояд. Корпоратсия ба қатори 50 ширкатҳои азими «сабз»-и саноатӣ ва 500 ширкати калонтарини эҳсонкори Чин шомил мебошад.
То 86 ҳазор сомонӣ ҷарима ё 2 соли зиндон. Ҷазо барои монеъ шудан ба таҳсили хонандагон сангин шуд
Ҳалокати 3 нафар дар пайи раъду барқ ва омадани сел дар як шабонарӯзи охир
Ҷазо барои ҷодугарӣ сангин шуд: то 144 ҳазор сомонӣ ҷарима ё 2 соли зиндон
Барқияи тасаллияти Эмомалӣ Раҳмон ба Владимир Путин дар робита ба амали террористӣ
Ҷазо барои таҷлили зодрӯзу тӯй ва маросими дафну зиёрати ҳоҷӣ сахттар шуд
Ҳалокати зани роҳрӯб зери чархи мошини Starex дар Душанбе
3:1: бурду бохти варзишгарони маъруфи тоҷик дар арсаи ҷаҳонӣ
Мотами миллӣ дар Доғистон. Дар ҳамла ба каниса ва калисое дар Доғистон 17 нафар кушта шуд
Харбузаи ширинро чӣ гуна метавон фарқ кард?
Ҳаҷ-2024: Аввалин гурӯҳи ҳоҷиён ба ватан баргаштанд
Кулли ахбор
Авторизуйтесь, пожалуйста