Дар доираи баргузории Форуми “Хатлон инвест-2024” дар шаҳри Бохтар Давлаталӣ Саид, раиси вилояти Хатлон бо Ҳасан Нуризода, муовини иқтисодии раиси вилояти Хуросони Разавии Ҷумҳурии исломии Эрон ва Алиризо Ҳақиқиён, сафири ин кишвар дар Тоҷикистон мулоқот анҷом додааст. Дар ин бора дафтари матбуоти раиси вилояти Хатлон иттилоъ медиҳад.
Дар вохӯрӣ тарафҳо масъалаи афзоиши ҳаҷми гардиши мол байни ду вилоятро муҳокима карда, таъсиси корхонаҳои муштарак ва табодули ҳайатҳои тиҷоратиро зарур шуморидаанд.
Ҳамчунин, ба рушди ҳамкориҳо дар самтҳои саноати сабук, ниҳолу тухмипарварӣ, таъсиси корхонаҳои муштараки кишоварзӣ, дорусозӣ, тақвияти равобити фарҳангӣ, илмӣ, тандурустӣ ва сайру саёҳат низ ҳавасмандӣ нишон додаанд.
“Вилояти Хуросони Разавӣ ба рушди ҳамкориҳои иқтисодиву тиҷоратӣ бо вилояти Хатлони алоқаманд аст. Утоқи бозаргонии Хуросони Разавӣ ҳамафзоии равобит бо кишвари бародар ва дӯсти Тоҷикистонро, ки натиҷаи он беҳбуди равобити ду миллат буд, ҳадафгузорӣ кардааст”, – зикр намудааст Ҳасан Нуризода.
Тавре дар мулоқот гуфта шуд, аз Эрон ба Тоҷикистон кошӣ, ширеш, дару тиреза, халта ва аз вилояти Хатлон ба Ҷумҳурии исломии Эрон асосан нахи пахта ва калобаи ресандагӣ содир мешавад.
Ёддошти тафоҳум байни ин ду вилоят ҳанӯз 30-юми майи соли 2022 дар шаҳри Душанбе бо иштироки Эмомалӣ Раҳмон, раиси ҷумҳури Тоҷикистон ва Иброҳим Раисӣ, раиси ҷумҳури марҳуми Эрон ба имзо расида буд.
Ёдовар мешавем, ки 15-уми майи соли ҷорӣ ҳайати вилояти Хатлон ба вилояти Хуросони Разавии Ҷумҳурии исломии Эрон сафар карда, аз шаҳракҳои саноатӣ ва маконҳои кишоварзии Тӯс, Нишопур ва Сарахс боздид карда буд. Мақсади сафар тақвияти ҳамкорӣ дар соҳаҳои тиҷорат, иқтисод, саноат, кишоварзӣ, фарҳанг ва сайёҳӣ байни ин ду вилоят гуфта мешуд.
Аз Ҳисори шодмон то толорҳои Порис. 55-солагии фаъолияти мақомсарои шаҳир Шамсиддин Муҳиддин таҷлил шуд
Рӯзҳои наздик ҳавои Тоҷикистон боронӣ мешавад
“Ба хориҷиён манъ аст”. Ихроҷи муҳоҷири тоҷик баъди ба Рублёвкаи вилояти Маскав рафтанаш
Аз духтуру муаллим то халабону дорусоз. Фаъолияти муҳоҷирон бо кадом ихтисосҳо дар Русия манъ аст?
Вазорати маорифи Тоҷикистон сабаби камшавии рӯзи таътилҳои мактабиро шарҳ дод
“Евразия-Кинофест”: Ҷоизаи “Беҳтарин нақши мардона” ба Абдулмӯъмин Шарифӣ тақдим гардид
Тафтиши ном дар “рӯйхати шахсони таҳти назорат”-и ВКД-и Русия. Telegram-боти “Азия-Плюс” роҳи осонро пешниҳод мекунад
Муҳоқимаи "Кадушоҳ" дар "додгоҳ". 50 соли эҷоди Асланшоҳ Раҳматуллоев таҷлил гардид
Назди биноҳои бунёдшаванда дар Душанбе қуттиҳои ҷудогонаи партовҷамъкунӣ гузошта мешаванд
“Аудиокитоб” бо Субҳон Ҷалилов. Маснавии маънавӣ. Ҳикояи “Дидори Луқмон бо Довуд”
Кулли ахбор
Авторизуйтесь, пожалуйста