Душанбе. 4-уми август. ОИ «Азия-Плюс» - Дар қисмати ҷануби кишвар ба иллати беэҳтиётии ронанда велосипедрони 46-сола ба ҳалокат расид.

Аз дафтари матбуоти Раёсати Бозрасии давлатии автомобилии Вазорати корҳои дохилии Тоҷикистон ба ОИ «Азия-Плюс» хабар доданд, ки ронандаи автомобили «Опел Астра» Меҳриддин Раҳимови 22-сола ҳангоми ҳаракат дар қаламрави деҳаи Анварободи ноҳияи Кӯлоб аз ӯҳдаи идораи автомобил набаромада, велосипедрон Маҳмадалӣ Раҳимови 46-соларо зер мекунад. Аз ҷароҳатҳои бардошта велосипедрон дар ҷои ҳодиса ҳалок шуд.

Шабонарӯзи гузашта дар ҷумҳурӣ 8 садамаи нақлиётӣ рух дод, ки бар асри он 2 нафар фавтида, 7 нафар ҷароҳатҳои ҷисмонӣ бардоштананд. Тибқи маълумоти раёсат, ҳафтаи сипаришуда дар кишвар 42 садамаи нақлиётӣ ба қайд гирифта шуд, ки дар натиҷа 6 нафар ҳалок ва 55 нафар ҷароҳат гирифтаанд.