Душанбе. 11-уми май. ОИ «Азия-Плюс» - Рӯз то рӯз шумори осебдидагону фавтидагон аз боронҳои сели шадиди пайдарпай дар Тоҷикистон меафзояд.

            Чӣ тавре ки аз КҲФ ва МГ ҶТ ба ОИ «Азия-Плюс» хабар доданд, наздикиҳои шоми рӯзи 10-уми май дар натиҷаи боронҳои давомнок дар маҳаллаи аҳолинишини Машъали ҷамоати Чоргултеппаи ноҳияи Рӯдакӣ сел омада, аз он сокини 28-солаи маҳаллӣ Нурмаҳмад Шоназаров ва писарони 3, 5 ва 12-солаи ӯ осеб диданд. «Кӯдакон аз ҷароҳатҳои бардошта дар ҷойи ҳодиса ба ҳалокат расида, падари онҳо бо ҷароҳатҳои вазнини ҷисмонӣ ба беморхона мунтақил шуд», - гуфт манбаъ.