Зимни нишасти хабарии рӯзи 18 июл сардори Раёсати хадамоти оташнишонии вилояти Хатлон Мулоҳӣ Рӯзиев дар робита ба ҳодисаи таркиш дар нуқтаи фурӯши сӯзишворӣ (НФС)-и ноҳияи Бохтар изҳор намуд, ки тибқи маълумоти пешакӣ, ин воқеъа бо айби ронандаи автомашинаи газкаш рух додааст.
Ба қавли ӯ, вақти холӣ кардани газ ронанда рӯда (шланг)-и интиқоли газро мустаҳкам пайваст накардаааст, ки баъдан аз фишори баланд он аз зарфи дорои сӯзишворӣ канда шуда, оташ мегирад. «Аз ҷониби Раёсати хадамоти оташнишонӣ ин ҳодиса мавриди санҷиш қарор гирифта, сабабҳои сӯхтор таҳқиқу муайян шуданд ва тамоми маводи марбут ба ин ҳодиса ба прокуратураи ноҳияи Бохтар пешниҳод гардид», - гуфт ӯ.
Номбурда хотиррасон намуд, ки бар асари ин таркиш 1 нафар ҳалок ва боз 21 нафари дигар ҷароҳатҳои гуногун бардоштанд.
Рӯзиев ҳамчунин кори мураттабу бонизоми кормандони Дастаи таъиноти махсус (ОМОН)-и Раёсати ВКД-ро зикр кард, ки саривақт роҳгузарону тамошобинонро аз макони ҳодиса дур кардаанд.
«Мутаассифона, дар бораи ин ҳодиса ба мо дер хабар расид, зеро шоҳидони ҳодиса хеле зиёд ҳузур дошта, танҳо як нафари онҳо, сокини ноҳияи Вахш лозим донистааст, ки ба мо занг зада, доир ба ин ҳодиса хабар диҳад», - таъкид дошт ӯ.
Прокурори ноҳияи Бохтар Хусрав Миралиев ба «Азия-Плюс» дар ин робита иттилоъ дод, ки дар бораи оғози парвандаи ҷиноӣ нисбат ба ин ҳодиса алҳол қарор қабул нашудааст. «Хулосаи ҳамаи сохторҳои дахлдорро интизорем», - илова кард прокурор.
Ёдрас мекунем, ки рӯзи 9 июл дар яке аз нуқтаҳои фурӯши сӯзишворӣ (НФС)-и воқеъ дар роҳи мошингарди Қӯрғонтеппа-Сарбанд, дар қаламрави ноҳияи Бохтари вилояти Хатлон таркиш ба вуқӯъ пайваста , аз мавҷи оташ фурӯшгоҳҳо, ошхона, ва нуқтаҳои фурӯши харбузу тарбуз, ҳамчунин 2 автомашинаи тамғаи Опел ва Мерседес низ осеб дидаанд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста