Дар наздикии роҳи оҳани қаламрави шаҳри Серпуховои вилояти Маскав рӯзи 23 июл ҷасади духтари 5-солаи як оилаи шаҳрвандони Тоҷикистон дарёфт шудааст, ки чанде қабл бедарак шуда буд. Дар ин бора «Московский комсомолец» хабар медиҳад.
Духтари 5-сола рӯзи 22 июл ҳангоми бозӣ назди ҳавлии хонаашон бедарак мешавад. Волидони духтар бо забони русӣ ҳарф намезананд, аз ин рӯ, дар бораи гумшавии кӯдак нахуст бо дархости онҳо ҳамсояҳояшон хабар додаанд. Рӯзи дигар гурӯҳи ихтиёриён ва кормандони пулис бо ёрии саги хизматӣ сумкаи варзиширо бо ҷасади духтар дар дохили он дарёфт мекунанд. Дар ҷасдл осори зӯроварӣ дида нашудааст.
Дар Раёсати Кумитаи тафтишоти вилояти Маскав хабар додаанд, ки ба гумони даст доштан дар куштор ва ҳамчунин таҷовуз ба номуси духтарча сокини 28-солаи маҳаллӣ боздошт шудааст. Тибқи маълумоти нашрия, гумонбаршуда дар ҳамсоягии оилаи кӯдак зиндагӣ дошта, аз хонаи ӯ пайҳои пойафзоли духтар ва изи ангуштони ӯ дарёфт шудааст.
Ҳамсояҳои боздоштшуда изҳор намудаанд, ки моҳи гузашта ду духтар аз он шикоят кардаанд, ки ин мард дар ҷангали наздики хонаашон бо шимҳои фароварда аз қафои онҳо давидааст. Модарони духтарҳо ба пулис муроҷиат намуда, вале онҳо парвандаи ҷиноӣ боз накарда, танҳо гузаронидани суҳбат бо мардро кофӣ донистаанд. Мард гуфтааст, ки ба касе ҳамла накарда, танҳо қазои ҳоҷат кардан мехостааст.
Дар Кумитаи тафтишот зикр кардаанд, ки дар маҳалли дарёфти ҷасади духтар муфаттишон машғули таҳқиқ буда, баргузории ташхиси судиву тиббии ҷасад ва дигар чорабиниҳои фаврӣ-ҷустуҷӯӣ баҳри ба даст овардани далелҳо таъин шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста