Мақомоти ҳифзи ҳуқуқи ноҳияи Лахш (собиқ Ҷиргатол) субҳи 1-уми январ ҷасади сержанти милитсия Дилшодҷон Аҳлиддиновро ба пайвандону наздиконаш супурданд. Ба гуфтаи кормандони милитсия, ӯ дар ҷойи кориаш даст ба худкушӣ задааст.
Ҷасади Дилшодҷон Аҳлиддиновро дар як анбори ангишти шуъбаи милитсияи ноҳия пайдо кардаанд.
“Тибқи овозаҳо, Аҳлиддинов аз сабаби ҷанҷоли оилавӣ худкушӣ кардааст. Аммо ин танҳо яке аз фарзияҳост. Айни замон тафтишот ҷараён дорад ва дар бораи натиҷаҳояш мо дертар хабар медиҳем”, - гуфт ба “Азия-Плюс” сардори маркази матбуоти ВКД ҶТ Умарҷони Эмомалӣ.
Тавре Радиои Озодӣ хабар медиҳад, пайвандону наздикони марҳум ба худкушии ӯ бовар надоранд.
Манучеҳр Аҳлиддинов, бародари Дилшодҷон ба Радиои Озодӣ гуфтааст, ки хабари марги бародарашро аз аҳли хонавода шунидааст.
“Ба падару модарам гуфтаанд, ки ӯ субҳ соати 9 ба як анбори ангишти шуъба рафта, дар он ҷо ба зери манаҳаш ду тир задааст. Ҳамон рӯз бародарамро ба деҳаи Ҷайлған оварда, соати 4 дафн кардаанд. Зери манаҳи бародарам осори ду тир будааст”.
Манучеҳр Аҳлиддинов изҳор доштааст, ки ба худкушии бародараш бовар надорад, зеро ӯ “дар зиндагӣ ягон мушкили моддӣ надошт, бо оилааш ҷанҷолу хархаша надошт ва аз касе ҳам қарздор набуд”.
Ба қавли бародараш, Манучеҳр Аҳлиддинови 32-сола ним сол пеш дар Шуъбаи умури дохилии ноҳияи Лахш (Ҷиргатоли собиқ) ба кор шурӯъ кард. Ӯ зан ва як тифли хурдсол доштааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста