Давоми як соат пас аз оғози бориши барфи шадид дар кишвар, аз километри 53 то 81 - уми роҳи Душанбе- Чаноқ қариб 30 тармаи хурду калон фаромадааст. Дар ин бора аз “IRS” ба “Азия-Плюс” хабар доданд.
Ҳоло кормандони ин ширкат якҷо бо намояндагони мақомоти дигари дахлдор барои тозакунии тармаи фаромада, талош карда истодаанд.
“Дар ҳамоҳангӣ бо БДА ВКД ҶТ ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҳаракати тамоми намуди нақлиёт муваққатан манъ карда шуд”, - афзуд манбаъ.
Ширкати мазкур, ки нигоҳубинии ин роҳро бар ӯҳда дорад таъкид кардааст, ки бориши барф торафт шиддат гирифта, хавфи фаромадани тармаҳои нав мавҷуд аст.
Дар ҳамин ҳол, аз Кумитаи ҳолатҳои фавқулода ва мудофиаи шаҳрвандии кишвар гуфтанд, ки роҳҳои дигари ҷумҳурӣ кушода буда, ҳаракати нақлиёт таъмин аст.
Масъулини шаркати “IRS” аз сокинони кишвар даъват намудаанд, ки то ба эътидол омадани вазъият аз сафар тавассути роҳи Душанбе - Чаноқ худдорӣ намоянд.
Аз Кумитаи ҳолатҳои фавқулода ва мудофиаи шаҳрвандӣ гуфтанд, ки хатари тармафароӣ то 15-уми январ боқӣ мемонад.
Гуфтан лозим аст, ки тибқи пешгӯи мутахассисони ҳавошиносии кишвар, гурӯъ аз имрӯз, 10-уми январ дар кишвар сардшавии ҳаво мушоҳида мешавад ва чанд рӯз идома мекунад. Дар ин муддат, дар саросари кишвар бориши барфу боронҳои пуршиддат дар назар аст.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста