Сабаби оташгирии масҷиди панҷвақтаи деҳаи Чаманистон дар шаҳри Ҳисор истифодабарии фарши гарм (теплый пол) будааст. Дар ин бора як манбаъ аз Сарраёсати Хадамоти оташнишонии ВКД ба “Азия-Плюс” хабар доданд.
Бинобар гуфтаи манбаъ, намозгузорон пас аз хондани намози хуфтан, барои гарм боқӣ мондани масҷид то намози бомдод фарши гармро аз барқ ҷудо накардаанд ва ин сабаби сар задани сӯхтор шудааст.
“Дар бораи сӯхтори масҷид соати 23:30 дақиқаи шаби 17-уми январ ба Хадамоти оташнишонии шаҳри Ҳисор хабар расид. Кормандони Хадамоти оташнишонӣ ба ҷои ҳодиса ҳозир шуда, сӯхторро ба душворӣ хомӯш карданд. Бинои масҷид қариб пурра ба коми оташ рафт”, - гуфт ҳамсӯҳбати мо.
Ӯ таъкид кард, ки дар пайи ин ҳодиса касе зарар надидааст.
Манбаъ гуфт, ҳаҷми зарар ва масоҳати сӯхтор дар масҷиди панҷвақта муайян шудааст, вале аз ироаи маълумоти бештар худдорӣ намуд.
Бояд гуфт, қаблан аз ҳодисаи сӯхтори масҷид ва оқибатҳои он дар шабакаҳои иҷтимоӣ наворҳо пахш гардида буданд. Ба гуфтаи муаллифони навор, ин масҷид пурра ба коми оташ рафт ва дубора обод кардани он ғайриимкон аст.
Маврид ба таъкид аст, ки масҷид дар оини дини ислом макони муқаддас ва “хонаи Худо” ба ҳисоб меравад ва ҳодисаи сӯхтори масҷид дар кишвар кам ба назар мерасад.
Гуфтан ба маврид аст, ки дар пайи сардиҳои ҳаво, дар кишвар ҳодисаи сухтор афзоиш ёфта, фавти одамон низ ба қайд гирифта шудаанд.
Аз ҷумла, 14-уми январ, дар манзили истиқоматии сокини Хуҷанди вилояти Суғд сӯхтор сар зад, ки дар пайи он як мӯйсафеди 70-сола фавтид. Ҳоло таҳқиқи ҳодиса ҷараён дорад, аммо масъулини идораи сӯхторхомӯшкунии вилояти Суғд сабаби асосии сӯхтор ва афзоиши онро сардиҳои дар ҷумҳурӣ ҳукмрон маънидод кардааст.
Ёдовар мешавем, ки аз 10-уми январ дар Тоҷикистон ҳавои сард ҳукмрон аст ва сокинон барои гарм кардани хонаҳову коргоҳи худ аз таҷҳизоти барқӣ истифода мекунанд ва ин боиси афзоиши ҳодисаи сӯхтор гардидааст.
Маскав интизор дорад, ки дар гузашти 9-уми май сарони 20 давлату ҳукумат ширкат кунанд
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Ҷароҳат” қисми 3
Заминларза. Чӣ гуна метавон худро ҳифз кард ва ба кадом хатоҳо набояд роҳ дод?
Охири ҳамин ҳафта ҳавои Тоҷикистон каме сарду серборон мешавад
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 16 апрели соли 2025
“Душманонаш ташкил карданд”. Ҳамсари раиси пешини Конибодом боздошти шавҳарашро тасдиқ, аммо айбро рад кард
Ҷаримаи як ронандаи таксӣ барои бадрафторӣ бо сайёҳони австралиягӣ
Қатар муҳоҷирони тоҷикро барои кор дар фурудгоҳ даъват мекунад. Маош чӣ қадар аст ва талабот чист?
Арабистони Саудӣ ба ҳазор кӯдаки ятим дар Тоҷикистон ҳар моҳ $100 кӯмак мекунад
Маҷлиси миллӣ тасвиб ва президент имзо кард. Ҳамакнун барои дуздии барқ то 10 сол зиндонӣ мекунанд
Кулли ахбор
Авторизуйтесь, пожалуйста