Теъдоди қурбониёни заминларза дар Туркия ба 12 391 нафар расид, хабар медиҳад хабаргузории маҳаллии Anadolu бо истинод ба Идораи ҳолатҳои изтирорӣ (AFAD).
Рӯзномаи Hurriyet бо такя ба ҳамин ниҳод навиштааст, ки теъдоди маҷрӯҳшудагон тақрибан ба 63 ҳазор нафар расидааст. Дар ин бора хабаргузории РИА Новости хабар медиҳад.
Дар Сурия бошад, тибқи омори охирини Вазорати тандурустии ин кишвар теъдоди қурбониён ба беш аз 2992 нафар расида, зиёда аз ду ҳазор нафар маҷрӯҳ шудаанд.
Бо гузашти се рӯз аз заминларзаи харобиовар дар Туркияву Сурия то ҳол наҷотдиҳандагон аз зери биноҳои фурӯрафта одамони зиндамондаро берун мебароранд.
Ҳоло ба ин кишвар аз давлатҳои гуногун садҳо наҷотдиҳанда сафарбар гардида, ба ҳамкасбони турки худ барои бартараф кардани оқибатҳои заминларза кӯмак мерасонанд.
Аз ҷумла, Тоҷикистон низ субҳи имрӯз, 9-уми феврал ба Туркия кумаки башардӯстона ва 50 нафар имдодгаронро фиристод. Ба ҳайати гурӯҳ имдодгарони соҳибтаҷриба, табиби ҷарроҳ ва ҷароҳатбанд шомиланд.
Дар Туркия бошад, бо дастури раисҷумҳури ин кишвар 7 рӯз мотами миллӣ эълон гардидааст.
Бояд гуфт, ки Туркия ва Суриявро субҳи барвақти рӯзи 6-уми феврал заминларзаи шадид бо қувваи 7,7 балл такон дод. Худи ҳамон рӯз заминларза бо ҳамин шиддат такрор ёфт, ки ин миқёси харобиҳоро зиёд ва теъдоди қурбониёну маҷрӯҳонро афзуд.
Дар хусуси тоҷикони муқими Туркия ва шароити онҳо то ҳол маълумоти эътимоднок дар даст нест. Маълум нест, ки касе аз шаҳрвандони Тоҷикистон дар пайи ин офати табии зарар дидааст ё не.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста