Ронандаи мошине, ки дар ноҳияи Хуросони вилояти Хатлон корманди Бозрасии давлатии автомобилиро пахш карда, аз ҷойи ҳодиса фирор карда буд, боздошт шуда, ҳоло дар Боздоштгоҳи Шуъбаи ВКД дар ин ноҳия қарор дорад.
Саймуъмин Ҳасанзода, сардори шуъбаи ташвиқот ва тарғиботи Раёсати БДА ВКД ҶТ гуфт, ки ронандаи мошин пеш аз пахши корманди БДА дар ноҳияи Хуросон, аз ҷониби кормандони дигари БДА нигоҳ дошта мешавад, аммо ӯ ба кормандони БДА итоат накарда, фирор мекунад.
Баъдан, кормандони БДА ба ҳамкасби худ хабар медиҳанд. Ронандаи мошин такроран дар ноҳияи Хуросон нигоҳ дошта мешавад, аммо ин навбат ронанда корманди БДА-ро пахш карда, боз аз ҷойи ҳодиса фирор мекунад.
“Ҳоло ронандаи ин мошин боздошт гардида, дар Боздоштгоҳи Шуъбаи ВКД дар ноҳияи Хуросон қарор дорад. Нисбати ронанда парвандаи ҷиноятӣ боз шуда, тафтишот идома дорад”, - гуфт Саймуъмин Ҳасанзода.
Аммо ин манбаъ аз ифшои шахсияти ронандаи боздоштгардида худдорӣ кард.
Ба корманди БДА, ки мошин пахш карда буд, ҳамкасбон ва роҳгузарон кӯмак кардаанд. Ҳоло ба саломатии ӯ хатаре таҳдид намекунад.
Бояд гуфт, 7-уми октябри соли ҷорӣ дар шабакаҳои иҷтимоӣ наворе паҳн шуд, ки дар он лаҳзаи аз ҷониби мошине бо суръати баланд пашх кардани корманди БДА мушоҳида мешуд. Корманди БДА пас аз пахши мошин ба канори роҳ партоб мешавад, аммо мошин бо суръати баланд ба ҳаракати худ идома медиҳад.
Бояд гуфт, ки ҳолатҳои итоат накардан ба фармони корманди БДА дар Тоҷикистон мушоҳида мешавад, аммо ин аз ҳолатҳои аҳёне аст, ки ронандаи мошин корманди БДА-ро пахш карда, аз ҷойи ҳодиса фирор мекунад.
Рӯзи омӯзгорон. Сокинон дар бораи муаллими худ чӣ мегӯянд?
Адабиёт, мактаб ва расонаву филмҳо. Чӣ гуна забони меъёри тоҷикиро оммавӣ кунем?
"Шуълаи орзу". Филми мустанад дар бораи ҷавоне, ки мушкилиҳои зиндагӣ ӯро қаҳрамон кард
Истаравшан шаҳри умумиҷаҳонии ҳунармандӣ шуд. Ин шаҳр бо чӣ машҳур аст?
Ду медали Тоҷикистон дар мусобиқоти ҷудои ҷаҳон миёни ҷавонон
“Мехост хонаи давлатиро хусусӣ кунад” Ҷузъиёти боздошти роҳбари дастгоҳи шаҳри Истиқлол
Парлумони Тоҷикистон тартиби соддакунии ҳамлу нақли борро бо Ӯзбекистон тасдиқ кард
“Пул надоштам”. Милитсияи пойтахт навори ҷузъиёти ҳамла ба ронандаи “Як такси”-ро нашр кард
Нашри китоб дар бораи таърихи ҷанги шаҳрвандӣ ва корномаи Эмомалӣ Раҳмон бо забони арабӣ дар Миср
"Ба ихроҷ омода шавед". Дар Русия амалиёти “Нелегал-2024” мегузарад
Кулли ахбор
Авторизуйтесь, пожалуйста