Бар асари ду садамаи нақлиёти марговар дар қаламрави Тоҷикистон 8 нафар ба ҳалокат расиданд.
Рӯзи 2 июл дар километри 50-уми роҳи Душанбе-Варзоб-Хуҷанд автомашинаи «Daewoo Nexia» (рақами давлатиаш 40Н174 GB uz), ки аз Хуҷанд ба самти Душанбе ҳаракат мекард, бо автомашинаи боркаши КамАЗ бармехӯрад.
“Дар натиҷа ронанда ва 2 мусофири мошини сабукрав (2 марду 1 зан), ки ҳама шаҳрвандони Ӯзбекистон мебошанд, дар ҷойи ҳодиса ҳалок шуданд, - хабар медиҳад КҲФ-и ҷумҳурӣ. - Шахсияти ронанда маълум шуд - Бойгитов Нурмаҳмад, соли таваллудаш 1964, сокини вилояти Фарғона. Барои муайян кардани шахсияти ҳалокшудагони дигар Кумита ба Вазорати ҳолатҳои фавқулодаи кишвари ҳамсоя муроҷиат кард”.
Гуфта мешавад, ҳодисаи дуюми фоҷеабор дар қаламрави ноҳияи Айнии вилояти Суғд рух додааст.
“Нимаи дуюми рӯз дар роҳи Айнӣ-Кӯҳистони Мастчоҳ дар наздикии деҳаи Шаватки Поёни ноҳияи Айнӣ сокини 32-солаи ин деҳа ҳангоми ҳаракат аз маркази ноҳия аз уҳдаи идораи автомашинаи «Musso» набаромада, дар натиҷа мошин ба ҷарии 450-метра сарозер меравад”, - хабар медиҳад Кумита.
Ба иттилои манбаъ, ронанда ва мусофирони мошин - ҳамсар ва 3 фарзанди 2, 5 ва 7-солаи ин оила дар ҷойи ҳодиса ба ҳалокат расидаанд.
![](https://asiaplustj.info/sites/default/files/articles/338249/photo_2024-07-03_10-28-15.jpg)
Тайи рӯзҳои ахир ин дуюмин ҳодисаи садамаи нақлиёт бо қурбонии зиёд аст. Рӯзи 27 июн дар канори шаҳри Кӯлоб бар асари садамаи нақлиёт 7 нафар сокинони ноҳияи Муъминобод ҳалок шуданд.
“Аудикитоб” бо Субҳон Ҷалилов. Маснавии маънавӣ. Пешгуфтор ва ҳикояи “Баққол ва тӯтӣ”
“Дилшоди СБ” дар Тоҷикистон ва бо ҳузури худаш муҳокима шудааст
Эмомалӣ Раҳмон ва Си Ҷинпин аз “ҳамкории муваффақ”, “ояндаи дурахшон” ва “сарнавишти ягона” гуфтанд
Интиқоли пул ба Тоҷикистон дар замони ҷанги Русия ва Украина қариб ду баробар афзуд
Оғози парвандаи ҷиноятӣ нисбати ду зане, ки ҳамсояи худро латукӯб карданд
Ташкили ҳукумати ҳамашумул. Путин бори дигар ба талаби Тоҷикистон аз Толибон таъкид кард
Зиёда аз 500 муҳоҷир маҷбурӣ аз Хабаровск хориҷ шуданд
“Шумо барои мо дарди сар ҳастед”. Саргузашти муҳоҷироне, ки аз фурудгоҳи Внуково бозпас ба Тоҷикистон фиристода шуданд
Пешгирӣ аз худкушии як зан дар Хуҷанд. Ӯ худро ба дарёи Сир партофтааст
“Вавилон-Мобайл” барои шахсони фаъол ва нерӯманд ҷадвали нави тарофаҳоро пешниҳод мекунад
Кулли ахбор
Авторизуйтесь, пожалуйста