Соли гузашта кормандони Агентии назорати маводи нашъаовар аз 103 ҳодисаи қочоқи маводи мухаддир ҷилавгирӣ намуданд
12:21, 6 январ, 2009Муаллиф: Ðваз Юлдошев
Душанбе. 6-уми январ. ОИ «Азия-Плюс» - Соли гузашта кормандони Агентии назорати маводи нашъаовари назди президенти Тоҷикистон аз 103 ҳодисаи қочоқи маводи мухаддир ҷилавгирӣ намуданд. Дар давоми сол 1 тоннаву 316 килову
838 грамм
маводи мухаддир мусодира карда шудааст, ки нисбат ба соли пешин 8,6 дарсад бештар буда, 368 килову 598 грамми он маводи сахттаъсири ҳероин, 574 килову
32 грамм
афюн ва 374 килову 216 грамми онро маводи нашъаовари гурӯҳи каннабис ташкил медиҳад.
Тавре аз шӯъбаи робита бо ҷомеаи агентии мазкур ба ОИ «Азия-Плюс» хабар доданд, соли сипаригашта дар оташдонҳои махсуси агентӣ 2 тоннаву 653 килову
222 грамм
маводи мухаддири мусодирашуда, ки онҳо чун далели шайъӣ дар баррасии парвандаи ҷиноӣ истифода шудаанд, сӯзонида шуд. «Нисбат ба қочоқчиёни маводи мухаддир 106 парвандаи ҷиноӣ боз шуда, 83-тои он нисбат ба 109 нафар ҷиҳати моҳиятан барррасӣ намудан ба додгоҳ ирсол гардидааст», - гуфт манбаъ.
Ба гуфтаи намояндаи агентӣ, дар натиҷаи баргузории амалиёти муштараки кормандони агентӣ бо мақомоти ҳифзи ҳуқуқи ҷумҳурӣ, кишварҳои узви ИДМ ва Афғонистон аз муомилоти ғайриқонунӣ 3 тоннаву 230 килову
303 грамм
маводи мухаддир мусодира карда шуд. «Тибқи иттилои афсарони агентӣ, ки дар минтақаи шимоли Афғонистон фаъолият доранд, дар қаламрави ин кишвар
104,8 гектар
заминҳои кишти кӯкнор ва 8 лабораторияи истеҳсоли ҳероин нобуд карда шуданд», - афзуд манбаъ.
“Аудиокитоб” бо Субҳон Ҷалилов. Маснавии маънавӣ. Ҳикояи “Бино шудани кӯр ҳангоми қуръон хондан”
Исроил куштори Яҳё Синвор, роҳбари “Ҳамос”-ро тасдиқ кард
Дар Русия даст доштан дар муҳоҷирати ғайриқонунӣ ҷинояти вазнин дониста мешавад
Нигаронии ХБА аз сатҳи баланди қарзи давлатӣ дар саросари ҷаҳон
Эмомалӣ Раҳмон ба Турсунзода рафт. Кадом иншоот ба истифода дода шуд?
Соли 2023 дар Тоҷикистон 44 ҳазор хонанда баъди синфи 9 таҳсилро қатъ кардааст
Дар Тоҷикистон боз як бонки нав - “Фридом Бонк Тоҷикистон” иҷозаи фаъолият дарёфт кард
Офарандаи яке аз нақшҳо дар филми “Шоҳ Исмоили Сомонӣ” дар садамае ҷон бохтааст
Огоҳии КҲФ аз хатари омадани селҳо дар навоҳии кӯҳӣ
Захираи маводи сӯхт барои соҳаи маориф дар зимистон. Дар куҷо чанд дарсад иҷро шуд?
Кулли ахбор
Авторизуйтесь, пожалуйста