Ҳамкорӣ дар самти мубориза бо терроризму экстримизм, киберҷинояткорӣ, гардиши ғайриқонунии маводи мухаддир, ҷиноятҳои муташаккили фаромиллӣ ва масъалаҳои амниятӣ аз масоиле будааст, ки Юсуф Раҳмон, додситони кулли Тоҷикистон зимни сафари худ ба Чин ва мулоқот бо додситонии кулли ин кишвар Чин Ин Юн баррасӣ намудааст.

Дар ин мулоқот, ки имрӯз, 7-уми ноябр, баргузор гардидааст, ҳамчунин, масъалаҳои истирдоди ҷинояткорон, расонидани ёрии ҳуқуқӣ оид ба парвандаҳои ҷиноятӣ ва дигар ёрии мутақобилаи ҳуқуқӣ ба мувофиқа расонида шуд. Ҷонибҳо муҳимияти густариши ҳамкории зич миёни ниҳодҳои дахлдори ҳифзи ҳуқуқи ҷонибҳоро ҷиҳати ҳалли ин масъалаҳо таъкид намуданд.

Ёдовар мешавем, ки додситони кулли кишвар пештар аз ин бо додситони кулли Қатар низ мулоқот карда, чандин шартномаи ҳамкорӣ имзо намуда буд.

Қаблтар аз ин бошад, Юсуф Раҳмон ба чандин кишварҳои Аврупоӣ низ сафар карда, бо додситонҳои кулли давлатҳои аврупоӣ шартномаҳои ҳамкорӣ имзо намуда буд.

Дар Telegram, Facebook, Instagram, OK ва ВК бо мо бимонед.