Дар ноҳияи Хуросон ду мансабдор ва як шаҳрвандро бо иттиҳоми ғайриқонунӣ додани қитъаи замин ва гирифтани пора дастгир кардаанд. Дар ин бора Раёсати ВКД дар вилояти Хатлон хабар медиҳад.
Ба гуфтаи манбаъ, кормандони шӯъбаи ВКД дар ноҳияи Хуросон Бобокалонов Муҳимбек, раиси ҷамоати деҳоти Ҳилолӣ ва Бобокалон Маҳмадзиёд, раиси Идораи кумитаи замин дар Хуросон, ки ҳарду бачаи амак мебошанд, инчунин Ҷалматов Қудрат, як сокини ин ноҳияро барои фаъолияти ғайриқонунӣ боздошт кардаанд.
Дар натиҷаи таҳқиқот муайян гардидааст, ки Бобокалоновҳо аз соли 1991 то кунун дар вазифаҳои гуногун кор карда ва дар муддати фаъолияташон бо маслиҳати пешакӣ ва бо кумаки Ҷалматов Қудрат дастикам аз 4 шаҳрванд пора гирифта ва ғайриқонунӣ қитъаҳои заминро ҳуҷҷат карда доданд.
Гуфта мешавад, ки гумонбарон аз 4 шаҳрванд 8 ҳазор сомонӣ, 14 ҳазор сомонӣ, 20 ҳазор сомонӣ ва 2 ҳазор доллар гирифта ва ба ҳар яке аз онҳо аз 8 то 10 сотиқ ғайриқонунӣ замин додаанд.
Шаҳрвандон дар заминҳо то ин муддат биноҳои гуногун бунёд кардаанд.
Дар гузорише, ки Раёсати ВКД дар вилояти Хатлон нашр кард, Бобокалонов Муҳимбек ва Ҷалматов Қудрат ба гуноҳи худ иқрор мекунанд. Аммо назари Бобокалон Маҳмадзиёд дастрас нест.
Ҳоло нисбати гумонбаршудагон бо моддаҳои 247, қисми 4, 323, 338, қисми 2 ва 340, қисми 2-и Кодекси ҷиноятӣ парванда боз шудааст.
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста