Сафари расмии котиби давлатии Иёлоти Муттаҳидаи Амрико Ҳиларӣ Клинтон аввал ба Тоҷикистон ва сипас ба Ӯзбекистон ифодагари он аст, ки Иёлоти Муттаҳидаи Амрико дар Афғонистон ба мушкилоти ҷиддӣ ва душвориҳо мувоҷеҳ гардидаанд.
Ба андешаи сиёсатмадори шинохтаи тоҷик, доктори улуми фалсафа Рустам Ҳайдаров, айни замон ИМА ба дастгирии кишварҳои ҳамсояи Афғонистон ниёз дошта, сафари намояндаи воломақоми ҳукумати ИМА Ҳилларӣ Клинтон гувоҳи аҳамияти зиёд доштани ин сафар барои мақомоти раҳбарии ИМА аст.
« Ман бар ин назарам, ки ҳангоми гуфтушунид бо мақомоти раҳбарии кишварҳои минтақаи Осиёи Марказӣ ҳам масоили ҳамлу нақли бор тавассути хатсайри шимолӣ ба Афғонистон ва ҳам масоили стратегии ИМА – ҷойгиркунии пойгоҳҳои низомии ИМА дар кишварҳои минтақа пас аз қисман хурӯҷи нерӯҳои низомии эътилоф аз Афғонистон баррасӣ мешаванд», - мегӯяд сиёсатмадор.
Ба ақидаи Р. Ҳайдаров, ИМА ба оғози бозии қартаи афғонӣ дар минтақаи Осиёи Марказӣ шурӯъ карданд ва аз ин бозӣ ҳам Тоҷикистону ҳам Ӯзбекистон метавонанд ғолиб ё шикастхӯрда бадар оянд ва тамоми масоил ба сатҳи то кадом андоза аз ин мавқеъ истифода намудани мақомоти раҳбарии Тоҷикистону Ӯзбекистон вобаста аст.
Ба қавли ӯ, ИМА аллакай дар ин хусус бо Ӯзбекистон гуфтушунид доранд ва ба ивази ҷойгиршавии нерӯҳои низомии ИМА дар Ӯзбекистон ин кишвар аз ИМА таъмин бо аслиҳаи муосири низомӣ ва манъи сохтмони нерӯгоҳи «Роғун» дар Тоҷикистонро талаб карда метавонад.
«Аз ин рӯ, барои таҳти фишори мушкилоти минтақавӣ қарор нагирифтан, Ҳилларӣ Клинтон аввал ба Тоҷикистон ва сипас ба Ӯзбекистон ташриф меорад», - гуфт ӯ.
Номбурда мӯътақид аст, ки Тоҷикистон низ ба дастгирии ИМА, бахусус дар таъмини амният ниёз дорад, зеро тайи 30 соли минбаъда дар Афғонистон вазъи босубот барқарор намешавад.
«Пас аз анҷоми ҷанг бо нерӯҳои эътилофи низомии хориҷӣ афғонҳо муқобили якдигар ҷанг хоҳанд кард, паштунҳо ба несту нобудсоии тамоми миллати ғарипаштун, махсусан тоҷикон оғоз мекунанд», - иброз дошт вай.
Рустам Ҳайдаров тавсия медиҳад, ки аз барқарории сулҳи наздик дар Афғонистон наметавон ҳарф зад ва Тоҷикистон бояд пайи амалисозии манфиатҳои миллии кишвари худ – суботи ҷомеа, таъмини амнияти шаҳрвандони кишвар ва расидан ба истиқлолияти энергетикӣ бошад.
«Мақомоти раҳбарии Тоҷикистон муколамаву гуфтушунидро бо ИМА бояд бо назардошти чунин ҳолатҳо ба роҳ монад», - афзуд сиёсатмадор.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста