Зимни мулоқот дар пойтахти Туркманистон – шаҳри Ашқобод нахуствазирони Тоҷикистону Қирғизистон Оқил Оқилов ва Омурбек Бабанов масоили кунунӣ ва дурнамои ҳамкориҳои дуҷонибаро мавриди баррасӣ қарор доданд.
Бино ба иттилои портали интернетии ҳукумати Қирғизистон, нахуствазирони кишварҳо атрофи густариши ҳамкориҳо дар бахшҳои гуногуни мавриди таваҷҷуҳи тарафайн, аз ҷумла дар соҳаҳои энергетика, транзити мол, рушди зербино, тавсеаи ҳамкориҳои фарҳангӣ ва ғайра табодули афкор намудаанд.
Дар робита ба масъалаи ҳамкориҳо дар бахши энергетика ва таъмини амнияти энергетикӣ, О.Бабанов зарурати роҳандозии фаъолияти ҳайатҳои ҳарду ҷониб дар таҳияву коркарди масоили техникиро зикр кардааст. Ӯ ҳамчунин суръат бахшидан ба ҳалли масъалаи сохтмони пул дар мавзеи Кулунду-Мақсад бо нигоҳдошти мақоми мавзеъ то анҷоми ҷараёни аломатгузории ниҳоӣ дар марзҳои давлатиро таъкид сохтааст.
Ҷонибҳо дар ин масъала ба тавофуқ расида, зарурати суръат бахшидан ба анҷоми корҳои аломатгузорӣ дар марзи давлатии миёни давлатҳоро мувофиқи мақсад донистаанд.
Ёдрас мекунем, ки имрӯз дар Ашқобод ҷаласаи Шӯрои нахуствазирони кишварҳои узви Иттиҳоди Давлатҳои Мустақил ба кор оғоз мекунад. Дар ҷаласаи Шӯрои нахуствазирони кишварҳои узви ИДМ баррасии 30 лоиҳаву ҳуҷҷатҳо дар самтҳои гуногуни ҳамкориву ҳамгиройии кишварҳои узви иттиҳод дар назар аст. Баррасиву таҳлили лоиҳаҳои қарор дар бораи Консепсияи озодкунии бозорҳои хизматгузории молиявии кишварҳои узви ИДМ аз ҷумлаи масоили муҳими ҷаласа маҳсуб меёбад.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста