Пагоҳ боздиди сафирони Бритониёи Кабир, Олмон ва Иттиҳоди Аврупо ба маркази маъмурии ВМКБ – шаҳри Хоруғ ба анҷом мерасад.
Тавре ба ОИ «Азия-Плюс» аз намояндагии Иттиҳоди Аврупо дар Тоҷикистон хабар доданд, Ҷерами Робин Орд-Смит, Дорис Хертрампф ва Эдуард Ауэр бо мақсади шиносии наздик бо вазъи сиёсиву иқтисодӣ ва иҷтимоии минтақа пас аз рӯйдодҳои ахири Хоруғ дар Бадахшон қарор доранд.
«Ғайр аз ин, дар ҷараёни сафар дипломатҳои аврупоӣ бо намояндагони мақомоти маҳаллии ҳокимияти давлатӣ, созмонҳои ғайриҳукуматӣ ва ҳамчунин ҷомеаи шаҳрвандӣ масоили амалисозии лоиҳаҳои нав дар Бадахшонро баррасӣ мекунанд», - гуфт манбаъ.
Зимнан зикр гардид, ки пас аз оғози амалиёти низомӣ дар Хоруғ ҳукууматдорон ба дипломатҳои хориҷӣ тавсия дода буданд, ки аз сафар ба Бадахшон муваққатан худдорӣ варзанд, вале нимаи моҳи октябр эъон гардид, ки акнун сафар ба ин минтақа бехатар аст.
Ёдрас мекунем, ки 24-уми июли соли равон дар ВМКБ амалиёти нерӯҳои ҳукуматӣ оид ба нест кардани гурӯҳҳои ҷиноятпеша, ки дар куштори сардори Раёсати КДАМ дар Бадахшон генерал А.Назаров даст доштанд, оғоз гардид. Тибқи маълумоти расмӣ, дар ҷараёни амалиёти мазкур 13 нафар кормандони макомоти қудратӣ ва 30 тан ҷангиёни ҷинояткор ҳалок шуда, боз 40 нафар ҷангиён боздошт гардиданд. Пас аз амалиёт ҷараёни таслими силоҳ оғоз гардида, аз аҳолӣ ба миқдори зиёд аслиҳа ва муҳимоти ҷангӣ мусодира шуд.
Пас аз як моҳ, 22-юми август бо сабабҳои то ҳанӯз номаълум яке аз пешвоёни ғайрирасмии ВМКБ Имомназар Имомназаров дар манзили зисташ кушта шуд. Айни замон ду нафар қумондонҳои саҳроӣ – Толиб Айёмбеков ва Маҳмадбоқир Маҳмадбоқиров таҳти шарти тарк накардани маҳалли зист қарор доранд.
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
Кулли ахбор
Авторизуйтесь, пожалуйста