Президенти Тоҷикистон Эмомалӣ Раҳмон бо намояндагони Бонки Умумиҷаҳонӣ, ширкатҳои машваратӣ, Сарвазири кишвар ва роҳбарони вазорату идораҳои дахлдор ҷаласаи машваратӣ доир намуд.
Тавре аз хадамоти матбуоти сарвари давлат иттилоъ доданд, ар машварат масоили вобаста ба вазъи корҳои тадқиқотии асосноккунии техникию иқтисодӣ ва баҳодиҳии таъсири экологию иҷтимоии лоиҳаи бунёди нерӯгоҳи Роғун баррасӣ шуд.
Дар оғози ҷаласа натиҷаҳои вохӯрии машваратии навбатии ҳайати давлатҳои наздисоҳилии ҳавзаи дарёи Омӯ барои муҳокимаи ҳисоботҳои марҳилавии корҳои тадқиқотиву баҳодиҳии лоиҳаи Нерӯгоҳи Роғун, ки 6 ва 7 ноябри соли 2012 дар шаҳри Алмато (Ҷумҳурии Қазоқистон) баргузор гардида буд, муҳокимаронӣ сурат гирифт.
Аз ҷониби Ҳукумати Тоҷикистон Мушовири давлатии Президенти Ҷумҳурии Тоҷикистон оид ба сиёсати иқтисодӣ Фаррух Ҳамралиев, ки роҳбари гурӯҳи намояндагони Тоҷикистон дар вохӯрии Алмаато буд, маълумот дод.
Назари Бонки ҷаҳониро аз натиҷаи вохӯрии Алмаато Директори минтақавии ин бонк Сароҷ Кумар Ҷа ва Роҳбари бахши энергетикаи он дар Аврупо ва Осиёи Марказӣ Ранҷит Ламек баён намуданд.
Сипас аз ҷониби консорсиуми ширкатҳои машваратӣ, ки таҳти роҳбарии ширкати “Коен эт Беллиер” фаъолият доранд, оид ба вазъи корҳои тадқиқотии асосноккунии техникию иқтисодии лоиҳаи Нерӯгоҳи Роғун Ноиби Президенти Ширкати “Коен эт Беллиер” Филлип Де Феликс ҳисобот дод.
Доир ба вазъи корҳои тадқиқотии асосноккунии техникию иқтисодии лоиҳаи Нерӯгоҳи Роғун, ҳамчунин Директори Институти лоиҳакашии «Гидропроект»-и шаҳри Москва Павел Шестопалов ва Директори Ҷамъияти саҳомии кушодаи “Нерӯгоҳи барқию обии Роғун” Хайрулло Сафаров изҳори андеша карданд.
Оид ба вазъи корҳои тадқиқотию баҳодиҳии таъсири экологию иҷтимоии лоиҳаи Нерӯгоҳи Роғун аз номи консорсиуми ширкатҳои машваратӣ Роҳбари Гурӯҳи экспертҳои Ширкати “Пойри Энержи” Роберт Звален ҳисобот дод.
Дар ин бора ҳамчунин Директори Муассисаи давлатии "Минтақаи зериобшавандаи Нерӯгоҳи барқи обии Роғун" Рамазон Мирзоев иттилоъ дод.
Доир ба мавзӯъҳои муҳокимашуда, ҳамчунин чанде аз коршиносони ширкатҳои машваратӣ изҳори андеша карданд.
Дар охири ҷаласа Президенти кишвар Эмомалӣ Раҳмон оид ба раванди омӯзиши имконоти иқтисодию техникӣ ва таъсири иҷтимоию экологии лоиҳаи нерӯгоҳи Роғун андешаронӣ намуда, аз ҷараёни ҳамкории босамар изҳори қаноатмандӣ кард.
Зимни андешаронӣ доир ба идомаи босамари ҳамкории сохторҳои масъули Ҳукумати Ҷумҳурии Тоҷикистон, намояндагони дахлдори Бонки ҷаҳонӣ ва ширкатҳои байналмилалии машваратӣ дастуру маслиҳатҳои муфид дода шуд.
Аз ҷумла таъкид гардид, ки барои дар сатҳи зарурӣ баргузор намудани вохӯрии минбаъдае, ки дар моҳи январи соли 2013 ба нақша гирифта шудааст, тамоми сохторҳои масъул бояд ҳамкориро вусъат бахшида, барои таҳия ва мувофиқаи ҳисоботҳои навбатии корҳои тадқиқотию баҳодиҳии лоиҳа чораҳо андешанд.
Дар баробари ин, таъкид гардид, ки корҳои тадқиқотии асосноккунии техникию иқтисодӣ ва баҳодиҳии таъсири экологию иҷтимоии лоиҳаи Нерӯгоҳи Роғун тибқи ҷадвали мувофиқашуда ба роҳ монда шавад.
Изҳор гардид, ки дар асоси тадқиқоти байналмилалӣ Ҳукумати Ҷумҳурии Тоҷикистон дар якҷоягӣ бо Бонки ҷаҳонӣ вобаста ба ин лоиҳаи муҳим хулосаи дахлдор мебарорад.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста