Имрӯз дар шаҳри Маскав ҷаласаи навбатии Шӯрои амнияти дастаҷамъии Созмони аҳдномаи амнияти дастаҷамъӣ (СААД) ба кор шурӯъ мекунад. Дар кори он президенти Тоҷикистон Эмомалӣ Раҳмон ширкат хоҳад варзид.
Бино ба маълумоти Вазорати корҳои хориҷии ҷумҳурӣ, қабл аз ҳамоиши сарони кишварҳои узви созмон ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони Шӯрои амнияти давлатҳои узви СААД доир мегардад, ки дар онҳо вазири корҳои хориҷии Тоҷикистон Ҳамрохон Зарифӣ ҳузур хоҳад дошт.
Зимни ҷаласаи муштарак Рӯзномаи иҷлосияи навбатии Шӯрои амнияти дастаҷамъии СААД, ки ҳамин рӯз дар Кремл баргузор мешавад, инчунин лоиҳаи санадҳо оид ба таҳким ва рушди бахши низомии ҳамкориҳо то соли 2020, оид ба рушди низоми вокуниши дастаҷамъона дар ҳолатҳои фавқулодда, дар бораи пешбинии рушди вазъият дар Афғонистон то соли 2015 ва чораҳо ҷиҳати мубориза бар зидди хатару таҳдидҳои аз ин самт бароянда мавриди баррасӣ қарор хоҳанд гирифт.
Иштирокдорони мулоқот ҳамчунин масъалаҳои марбут ба ҳамоҳангсозии сиёсати хориҷӣ аз ҷониби сарони давлатҳои узви СААД, дар бораи самтҳои авлавиятноки фаъолият дар марҳилаи раисии Ҷумҳурии Қирғизистон дар созмон ва дигар масъалаҳои ташкилию тадорукотиро муҳокима менамоянд.
Бино ба иттилои расонаҳои хабарии Русия, яке аз масоили мавриди баррасии нишаст мутаваққиф сохтани узвияти Ӯзбекистон ба СААД аст. Чанде қабл вазири корҳои хориҷии Русия Сергей Лавров ҷиҳати гуфтушунид бо президенти Ӯзбекистон Ислом Каримов озими Тошканд шуд. Коршиносн бар ин назаранд, ки ӯ ба Каримов «тарҳи аҷиби ҳамкорӣ»-ро пешниҳод хоҳад намуд, ки ба консепсияи нави сиёсати хориҷии Русия ҷавобгӯ буда, ба тақвияти ҳамгиройӣ дар паҳнои пасошӯравӣ нигаронида шудааст.
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Кулли ахбор
Авторизуйтесь, пожалуйста